Түбән Кама УКСИҮТта биш яңа резидент барлыкка киләчәк

7 март 2018 ел., чәршәмбе

Түбән Каманың Инвестицион советы утырышында УКСИҮТта урнаштыру өчен биш компаниядән гариза хупланды. Оешмалар инвестицияләрнең тулай күләме  3 млрд сум артачак.

«КЭР-холдинг» компанияләр группасы реинжиниринг белән газ турбиналарын ремонтлау өчен компонентларны җитештерүне булдырырга ниятләнә. Продукция гражданнар һәм сәнәгый максатлы газотурбинлы  электр станцияләре өчен кирәк. Проект инициаторларының планнарында – әлеге җиһазның 30% Россия базарын алу.

Икенче проектны «Микроволокно» тукыма фабрикасы күрсәтте. Инвесторлар юка сүсле синтетик эрләгән җепне җитештерергә ниятләнәләр. Оешма ябык цикллы технологияләрдән торачак, анда микрофибрадан әзер продукцияне алуның бөтен стадияләре карала.

Продукция – инновацион материалдан җыештыру әйберләре. РФ һәм БДБ илләрендә проект вәкиле Вячеслав Капустин сүзләре буенча Россиядә һәм Европада әлеге җитештерүнең аналоглары юк. Бөтен продукция Кытайдан килә.

Тагые бер проект - «Русский ветер» компаниясенең мультимегаватт классындагы җил энергетик установкаларның компонентларын җитештерү.

«Метакам» компаниясе контроль-үлчәү приборлары һәм аппаратурасы өчен комплектларны җитештерергә планлаштыра. Сату базары – Түбән Каманың нефтехимик һәм нефть эшкәртү эшханәләре, әмма компания Россия базарында эшләргә планлаштыра.

Тагын бер проект - «Камэнергостройпром» композит арматура һәм ятьмәне җитештерү.

Узган утырышларда 29 проект каралды, 2106 эш рыны булдырылачак, 29,6 млрд сум инвестиция җәлеп ителәчәк. Проектларның тормышка ашыру вакыты – 2022 елга кадәр.

Биш яңа проект ярдәмендә шәһәрдә 500 яңа эш урыны барлыкка киләчәк.

Фото: Степанов Слава

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования