Үзбәкстан белән бердәм проектларны гамәлгә ашыру планы булдырылды
Россия Федерациясе һәм Үзбәкстан Республикасы арасында регионара хезәттәшлек Беренче Форумы кысаларында Татарстан Республикасы Хөкүмәте һәм Ташкент өлкәсе Хокимияте сәүдә-икътисади, фәнни-техник, иҗтимагый һәм мәдәни өлкәләрдә халыкара һәм тышкы икътисади элемтәләрне башкару турында Килешүне гамәлгә ашыру буенча чаралар планына кул куйдылар.
Очрашу барышында регионнар башлыклары бердәм проектлар турында сөйләштеләр, алар арасында Ташкент өлкәсендә автомобиль полигоны һәм «КАМАЗ» ААҖ сервис үзәге, «Химград» технополисы филиалын булдыру, шулай ук «Ак Барс холдинг компаниясе» АҖ кошчылык өлкәсендә бердәм җитештерү, «Эйдос» компаниясе белән медицина роботларын җитештерү, «Татнефть» ААҖ линиясе буенча аралашу, «Татспиртпром» белән хезмәттәшлек, сәүдә йортларын ачу һәм мәгариф, сәламәтлек саклау һәм торак-коммуналь хуҗалыгы өлкәсендә тәҗрибә белән алмашуны оештыру.
«Татарстан Үзбәкстан белән бергә озак вакытлы мөнәсәбәтләр бәйли. Регионнар арасында аралашу систематик рәвештә үтә һәм бөтен өлкәләргә кагыла. Транспорт аралашуы үсә. Ике якның ачыклыгы, даими хөкүмәт диалогы, ресурслар һәм бай тәҗрибә билгеләнелгән планнарны гамәлгә ашырырга ярдәм итәчәк», – дип Татарстан Республикасының инвестицион үсеш агентлыгы җитәкчесе Талия Миңнуллина уйлый.
Үзбәкстан Хөкүмәте әгъзалары үз чиратында Үзбәкстан-Татарстан хезмәттәшлегенең алар өчен приоритетлы юнәлешләрнең берсе булуын һәрвакыт ассызыклыйлар.