«Таҗикстан – Татарстан» эшлекле форумы: сәүдә-икътисади потенциалын тормышка ашыру юлында

19 март 2019 ел., сишәмбе

Бүген Дүшәнбедә «Таҗикстан – Татарстан» эшлекле форумы кысаларында ике республиканың сәүдә-икътисади потенциалы күрсәтелде һәм мөмкин булган бердәм проектлар каралды. Форумда Таҗикстан Премьер-министры Кохир Расулзод һәм Татарстан Президенты Рөстәм Миңнеханов катнашты.

«Таҗикстан белән аралашуның үсешенә без зур мәгънә бирәбез һәм үзара табышлы элемтәләрне киңәйтүгә шат булабыз. Аларның үсешенә ярдәм итәчәкбез», – дип Рөстәм Миңнеханов билгеләде.

Таҗикстан белән «КАМАЗ», «Татнефть», «ТАИФ», «Татхимфармпрепараты», «ПОЗИС» Татарстан компанияләре хезмәттәшлек итә.

Татарстан Президентының Таҗикстан Президенты Эмомали Рахмон белән очрашуда республикаларның хөкүмәтара эшлекле группаны булдыру турында игълан ителде. Группа Татарстан компанияләрнең Таҗикстанда проектларны алып барачак һәм Таҗикстаннан Татарстанга бизнес вәкилләрен җәлеп итәчәк.

Моннан башка Рөстәм Миңнеханов Таҗикистан хакимият вәкилләрен Татарстан башкаласына 24-26 апрельлә үтәчәк «Россия – Ислам дөньясы: KazanSummit 2019»на чакырды.

«Бу елның февралендә Россиядәге Таҗикстан Гадәттән тыш һәм Тулы вәкаләтле илчесе Имомуддин Сатторовның визиты кысаларында без хезмәттәшлекне ныгыту өчен өлкәләр билгеләдек, республикалар арасында товар әйләнешен арттыру максатын куйдык. Бүген без әлеге максатларны ирешүдә зур адым ясыйбыз. Моның өчен потенциал бар, аны саммитта күрсәтәчәкбез. Татарстан Таҗикстан белән хезмәттәшлекне киңәйтүдә кызыксына», – дип Татарстанның инвестицион үсеш агентлыгы җитәкчесе Талия Миңнуллина билгеләде.

Эшлекле форумда ике як Сәүдә-сәнәгый палаталары килешүләргә кул куйдылар.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования