Талия Миңнуллина Түбән Кама халкына һәм инвесторларына нәрсә җитмәвен ачыклады

21 август 2019 ел., чәршәмбе

Татарстан Республикасының инвестицион үсеш агентлыгы җитәкчесе Талия Миңнуллина эш визиты белән Түбән Кама шәһәрендә булды. Инвесторларга ярдәм итү өчен ТР ИҮА башлыгы җирле хакимиятләр белән бергә проектларны тормышка ашыру барышын бәяләде, партнерлар белән ачык диалогта яңа объектларны тиз арада эшләтеп җибәрүгә һәм гамәлдәге объектларны яңа дәрәҗәгә чыгаруга ярдәм итүче проблемаларны һәм бурычларны билгеләде.

«Тормыш һәм эшчәнлек өчен уңайлы шартлар булдыру, партнерларыбызга һәм инвесторларга һәрьяклап ярдәм итү, бурычларны оператив хәл итү һәм каршылыкларны бетерү өчен барлык дәрәҗәләрдә ныклы элемтәләр урнаштыру бик мөһим. УКСИҮТ резидентларын җәлеп итү планында Түбән Кама яхшы исәптә, еллык планны бер ярым тапкыр арттырып үтәү көтелә. Инвесторны тапшыру өчен муниципаль команда яхшы эшли», – дип Талия Илгизовна билгеләде.

Агентлык инвестицион проектларны тормышка ашыру өчен зур эш алып бара: базарны, конкрет өлкәдә уртак проектларны тормышка ашыру өчен потенциаль партнерлар, яклар сөйләшүләре, проектка финанс экспертизасы үткәрү, Татарстан Республикасы базарына чыгу өчен оптималь стратегияне сайлау, кирәкле документаль-хокукый базаны әзерләү мәсьәләләре буенча ведомстволар һәм дәүләт структуралары белән сөйләшүләр, мәйданчыкны сайлап алу, соңгы продуктны җитештерү өчен кирәкле чимал,  җитештерүчеләрне һәм хезмәт күрсәтүчеләрне эзләү һәм сайлауда ярдәм итү.

Беренче чиратта, агентлык җитәкчесе «Түбән Кама» УКСИҮТ резиденты булган «Камасталь» заводында булды. «Камасталь» – рулон корычын буяу һәм «Роскамасталь» бренды астында продукция җитештерүче Россия-Кытай предприятиесе.  Җитештерү «Пионер» индустриаль паркында җәелдерелгән, агымдагы елның апрелендә ачылды. Проектны гамәлгә ашыру өчен 104 эш урыны булдырылган. Чит ил инвестицияләре күләме – 600 млн. сум. Проект куәте – елына 100 мең тоннага кадәр. Җитештерү барлык заманча таләпләргә дә җавап бирә, буяуның технологик процессын өзлексез тикшереп торуның иң яңа системасы белән җиһазландырылган, бу продукциянең югары сыйфатлы булуын даими рәвештә сакларга мөмкинлек бирә.

Тиздән индустриаль паркта тагын бер предприятие ачылачак: «Металлоконструкцияләр үзәге» ҖЧҖ, «Евробетон» ҖЧҖ (төзелеш металл конструкцияләрен, эшләнмәләрне һәм аларның өлешләрен җитештерү) директоры Булат Мотыйгуллин фасад панельләре җитештерү линиясен булдырды, алар бер үк вакытта бизи дә, бинаны җылыта да.

«Пионер» җитештерү процессларын өйрәнгәннән соң Талия Миңнуллина двигательләр һәм турбиналар, «КамЭнергоМаш» ҖЧҖнең запас частьләрен җитештерү һәм ремонтлау буенча завод төзелешенең барышы белән танышты. Бу иң эре проектларның берсе, Түбән Кама УКСҮИТ территориясе кысаларында булдырыла. Тормышка ашыру өчен 1,3 млрд. сум күләмендә инвестицияләр җәлеп ителгән. Заводның проект куәте елына 15 газ турбинасы җайланмасын чыгаруга исәпләнгән. Предприятиедә 83 эш урыны булдырылган, тагын 169 эш урыны булдыру планлаштырыла. Хәзерге вакытта биредә турбиналар һәм двигательләр ремонтлана, предприятиенең төп җитештерү өлеше төзелеп бетә.

Масштаблы сәнәгать эшчәнлеген алып барудан тыш, Татарстанда шәһәр төзелеше, уңайлы шәһәр мохитен үстерүгә зур игътибар бирелә. Шулай итеп, Түбән Каманың «Гаилә» паркында яңа социаль-мәдәни объект – 42 метр биеклектәге «күзәтү тәгәрмәчләре» ачылуга әзерләнә. Аны торгызу өчен Агентлык тарафыннан 63 млн сум инвестиция җәлеп ителгән, акчаларның бер өлеше якындагы территорияне төзекләндерү өчен файдаланылачак. Республика шәхси инвесторы хисабына янында кунакханә төзеләчәк. Талия Миңнуллина проектның эшләтеп җибәрүгә әзерлеген бәяләде. Киләчәктә бу, тулаем алганда, никахлашу уңаеннан тантаналар үткәрү планлаштырыла торган урын. Талия Илгиз кызы проектның юл картасын инвестор белән тикшерде, ул аны гамәлгә ашыру өчен Чиләбедән Татарстанга күчте.

Җирле массакүләм мәгълүмат чаралары сорауларына җавап биреп, Татарстанның Баш инвестицион эксперты, иҗтимагый киңлекләр кече һәм урта бизнесны җәлеп итү юлы белән үсәргә сәләтле дип билгеләп үтте. «Паркларга бюджет акчаларын үзләштереп була, әмма бизнеска да мөмкинлекләр бирергә кирәк», – дип ассызыклады ул.

Якын арада Түбән Кама районы халкы тормыш дәрәҗәсенең һәм сыйфатының үзгәрешләрен сизә алачак: яңа эш урыннары, социаль инфраструктура, шулай ук кече һәм урта эшмәкәрлек өчен яңа мөмкинлекләр.

«Монда трансформацияләнгән күп кенә мәйданчыклар – иске производстволар, ташландык заводлар инвесторлар керә торган яңа бизнеска әйләнделәр, һәм бу яхшы», – дип нәтиҗә ясады Талия Миңнуллина.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования