Көнчыгыш икътисади уңыш

5 сентябрь 2019 ел., пәнҗешәмбе

5 ел инде дөньяның дистәләгән иленнән килгән дәүләтләрнең беренче затлары һәм бизнесменнар Владивостокта очраша. Татарстан гадәттәгечә – Көнчыгыш икътисади форумның актив катнашучысы. Республиканы бу елда Татарстан Республикасының инвестицион үсеш агентлыгы җитәкчесе Талия Миңнуллина һәм икътисад министры Фәрит Габделганиев тәкъдим итте.

 Регионны таныту һәм эшлекле сөйләшүләр алып бару өчен Татарстанның күргәзмә экспозициясе оештырылды.

 Эшлекле программа кысаларында 50дән артык эшлекле чара узды. Глобаль көн тәртибе 4 тематик блоктан торды: икътисадый үсешне тизләтү өчен яңа чишелешләр, бизнес өчен шартлар тудыру, Ерак Көнчыгыш һәм Азия-Тын океан регионы белән хезмәттәшлекне үстерү, тормыш сыйфатын арттыру өчен яңа чишелешләр.

«Көнчыгыш икътисади форум – Азия инвесторларын җәлеп итү өчен яхшы мәйданчык.  Форум Татарстан өчен нәтиҗәле узды. Без республикабызны лаеклы тәкъдим иттек, Кытай, Һиндстан, Япония, Бөекбритания эшлекле даирәләре вәкилләре белән сәнәгать, сәламәтлек саклау, энергетика өлкәсендә яңа элемтәләр урнаштырдык һәм хезмәттәшлекне ныгыттык, хезмәттәшлек турында берничә килешү имзаладык, бу эшлекле коммуникациянең эффективлыгы күрсәткече булып тора», – дип билгеләде Талия Миңнуллина.

 ТР ИҮА башлыгы Азия-Тын океан регионының яшь дипломатлары конференциясендә чыгыш ясады, катнашучыларга 7 көн эчендә бөтен дөньяга үз регионы турында ничек сөйләү серен ачып җибәрде.

 «7 көн эчендә Кино» – ул мәдәниятара диалог, киноның яңа чынбарлыклары барлыкка килү, Татарстанның да, проектта катнашучыларның да күпьяклы потенциалын ачу мәйданы», – дип ассызыклады ул.

 1 сентябрьдән 7 сентябрьгә кадәр Бөтен дөньядан килгән иҗат командалары Татарстанда дөнья җәмәгатьчелеген тәкъдим итү өчен, республикабызның бай тарихы, мәдәнияте һәм төбәк территориясендә ачылучы Барлык мөмкинлекләр турында кыска метражлы фильмнар төшерәләр: катнашучы илләрдә киноальманахлар күрсәтеләчәк.

Форум кысаларында Татарстан делегациясе шулай ук инвестицион сессияләрдә, территорияләр брендингы буенча, хатын-кызлар лидерлыгы буенча сессиядә, медиа аша бизнес һәм халыкара эшлекле хезмәттәшлекне үстерү сессияләрендә катнашты.

 Кытай-Европа техник-икътисадый хезмәттәшлек Ассоциациясе һәм Тибет Автоном районы Сәүдә-сәнәгать палатасы әгъзалары белән очрашуда үзара файдалы проектларны гамәлгә ашыру өчен үзара бәйләнеш нокталары турында фикер алыштылар.

 Форум кысаларында Татарстан Республикасының инвестицион үсеш агентлыгы һәм дәүләт-шәхси партнерлык үсеше милли үзәге арасында дәүләт-шәхси партнерлык өлкәсендә бердәм цифрлы платформа үсешенә ярдәм итү, мәгълүматның ачыклыгын һәм Татарстан Республикасында дәүләт катнашуы белән инвестицион проектлар базарында катнашучылар белән аралашу эффективлыгын үстерү максатларында Хезмәттәшлек турында өстәмә килешүгә кул куелды.

 Төбәк кластерлы үсеш юлыннан бара. Машина төзелеше кластеры һәм Амур өлкәсе агентлыгы арасында инвестицияләр җәлеп итү буенча хезмәттәшлек турында килешү һәм башка документлар имзаланды.

 Талия Миңнуллина чит илләрдә предприятиеләрне үстерү буенча Кытай Ассоциациясенең генераль секретаре Хэ Чжэньвэй белән сөйләшүләр алып барды. Кытай бизнесы Татарстан территориясендә киң үсеш алган. Бөтендөнья танылган көнкүреш техникасы һәм электроника җитештерүче Haier әйдәп баручы партнер булып тора: Яр Чаллыда Haier индустриаль паркында суыткычлар һәм кер юу машиналары җитештерәләр. Кытай корпорациясенең стратегик партнеры – «Роскамасталь» – Түбән Камада рулон корычын буяу заводы. Моннан тыш, Чистайда “Цзинь Фэн» компаниясе тарафыннан дуңгыз субпродуктларын эшкәртү цехы төзелә.

这只是一 [Бу әле башы гына!]

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования