Талия Миңнуллина ДХП турында: «Бизнеска керемне гарантияләү – безнең өчен эшкуарлар эшенең тотрыклылыгы ул»
Татарстанда дәүләт-хосусый партнерлыкны үстерү мәсьәләләре буенча киңәшмә Татарстан Премьер-министры Алексей Песошин рәислегендә республика Министрлар Кабинетында узды.
Бүгенге көндә Татарстан буенча федераль системада 175 концессион килешү (дәүләт-хосусый партнерлык формасы) бар, күбесе торак-коммуналь хуҗалык өлкәсенә карый – 155 килешү, калганнары – сәламәтлек саклау өлкәсендә (12), энергосервис контрактлары (5), мәдәният һәм ял өлкәсендә (3) һәм бер килешү Чаллыда муниципаль-хосусый партнерлык кысаларында төзелде – бу 224-ФЗ номерлы Федераль закон буенча Россиядә беренче шундый килешү, 2018 елда спорт-сәламәтләндерү комплексы булдыруга төзелде.
Төп доклад белән Татарстан Республикасының инвестицион үсеш агентлыгы җитәкчесе Талия Миңнуллина чыгыш ясады. Ул дәүләт-хосусый партнерлыкның әһәмиятен һәм үсеш перспективаларын, шулай ук республикада ДХП үсешен сизелерлек стимуллаштырырга мөмкинлек бирәчәк чаралар билгеләде.
Талия Миңнуллина уңышлы чит ил һәм Россия тәҗрибәсен тәкъдим итте. Бу өлкәдә алдынгы илләр арасында – Кытай, Бразилия, Һиндстан һәм Вьетнам, анда, кагыйдә буларак, транспорт-логистика инфраструктурасы белән бәйле эре проектлар гамәлгә ашырыла, атап әйткәндә, түләүле юллар, күпер һәм тоннельләр төзү, чүп эшкәртү һәм утильләштерү, энергиянең альтернатив чыганакларын эшкәртү, шулай ук сәламәтлек саклау, мәгариф һәм торак-коммуналь хуҗалык өлкәсендәге проектлар бар.
Татарстан өчен ДХП Үсеш зонасы булып тора, федераль рейтингны бәяләү методологиясе ел саен үзгәрә, күрсәткечләр арасында – алдагы елга карата ДХП проектлары өлеше үсеше, ДХП-проектлар саны, тармак дифференциациясе (һәр тармак буенча кимендә 7 проект), гавами инициативалар, дәүләт программасы нигезендә ДХПга бюджет ярдәме чаралары.
«Бүгенге көндә Россиядә ДХП хокукый базасы шактый киң, монда яхшы көчле юристлар кирәк, алар мондый килешүләр төзи ала, норматив-хокукый актлар саны бик зур. ДХП механизмнарын кулланып проектларны гамәлгә ашыруны регламентлаштыручы төп федераль закон – 115 нче һәм 224 нче Федераль закон. Аларның принципиаль аермасы шәхси милеккә тапшыру белән бәйле.
Татарстанда да ДХП буенча закон бар, ул 2011 елда кабул ителгән иде.
Дөнья үзгәрә. Бүгенге көндә икътисади вәзгыять бик катлаулы, бизнеска керемне гарантияләү өчен теләсә нинди мөмкинлек – бу безнең өчен эшкуарлар эшенең тотрыклылыгы. Без аңлыйбыз, әгәр аның дәүләт заказы бар икән, димәк, ул үз эшчәнлеген төгәл башкарачак. Шул ук вакытта теләсә кайсы проектта ачык базар да булуы аңлашыла.
Татарстанда ДХП үсеше өчен кирәкле чаралар арасында ДХП проектларын һәм региональ тармак программаларына концессион килешүләр кертүне тәкъдим итәргә һәм, әлбәттә, ведомствоара хезмәттәшлек тәртибен һәм бу эшне структуралаштырырга ярдәм итәрлек башка норматив-хокукый актларны кертергә кирәк», – дип билгеләде Талия Миңнуллина үз чыгышында.
ДХП үсеше кысаларында тармак докладлары белән шулай ук Татарстан Республикасы спорт министры Владимир Леонов, Татарстан сәламәтлек саклау министры урынбасары Айрат Гарипов чыгыш ясады. ТР Җир һәм мөлкәт мөнәсәбәтләре министры Фәнил Әһлиуллин дәүләт милкен хуҗалык әйләнешенә кертү буенча тәкъдимнәр белән чыгыш ясады.
Татарстан Республикасы Хөкүмәте башлыгы дәүләт-хосусый партнерлык инвестицияләрне җәлеп итүнең перспектив юнәлеше булып тора, шул исәптән дәүләт капиталь чыгымнарын киметү һәм эштән азат ителгән акчаларны социаль мәсьәләләрне хәл итүгә юнәлдерү өчен дә, дип билгеләп үтте.
Алексей Песошин ДХПның һәр проекты инвесторга гына түгел, дәүләткә дә кызыклы булырга тиеш эш бизнес-планы булырга тиеш, дип игътибар итте. Үзара мөнәсәбәтләр шартлары аңлаешлы һәм үтә күренмәле булырга тиеш.