Татарстан Республикасының инвестицион дайджесты: Буа районы белән «инвестицион сәгать»
Татарстан Республикасының Буа муниципаль районы Татарстан Республикасы Рәисе рәислегендә узган республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Район башлыгы докладында район эшчәнлегенең төп күрсәткечләре, тармакларны үстерү, эшмәкәрлек торышы, хезмәт хакы һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдә казанышлар карала.
Буа районы башлыгы Ранис Камартдинов район эшчәнлегенең төп күрсәткече булып тулаем территориаль продукт күләме торуын билгеләде, 2022 елда ул 18,77 млрд сумнан артык тәшкил итәчәк, дип сөйләде. 2023 елда 19,6 млрд сум күләмендә фараз ителә.
Икътисадтагы алга таба үзгәртеп коруларның нигезе булып инвестицияләр тора. 2022 елда төп капиталга инвестицияләр күләме 3,7 миллиард сум тәшкил итте. Аларның төп өлеше авыл хуҗалыгы һәм эшкәртү производстволарын үстерүгә юнәлдерелгән.
«Авангард» агрофирмасы 590 млн сум инвестицияне терлекчелек комплексы, терлекчеләр йорты төзүгә, Чехиядән нәселле таналар сатып алуга, машиналар паркын яңартуга юнәлтте. Агымдагы елда төзелеш башланды: тудыру цехы, коры сыерлар өчен 150 башлы бина.
Шикәр заводын модернизацияләү һәм реконструкцияләү дәвам итә. Узган ел инвестицияләр күләме якынча 53 миллион тәшкил итте. 2023 елга план - 564 млн сум.
Буа сөт комбинаты сыворотка киптерү цехын реконструкцияләү буенча эш башлаган, бу энергия ресурсларын экономияләү хисабына продукциянең үзкыйммәтен киметергә, җитештерелгән продукция күләмен арттырырга һәм аның сыйфатын яхшыртырга, шулай ук зарарлы матдәләр чыгаруны киметергә мөмкинлек бирәчәк. Инвестицияләр күләме якынча 55 млн сум тәшкил итә.
Район икътисадының үсеш ноктасы булып «Буа» сәнәгать паркы тора, аның мәйданы 26,9 гектар тәшкил итә. Башкарма комитет 4 резидент белән килешүләр төзегән. Сәнәгать паркының тутырылуы 39,5%. Район алдында сәнәгать паркын 70% ка кадәр тутыру бурычы тора.
20 мартта Инвестиция советында «УНИПАРК» идарәче компаниясенә җир кишәрлеген тапшыру мәсьәләсе уңай каралды, киләчәктә аккредитация алу һәм резидентларга тиешле ташламалар һәм дәүләт ярдәме чаралары бирү планлаштырыла. Бу яңа резидентларны җәлеп итәргә мөмкинлек бирәчәк.
Хәсәнов КФХ кыйммәтле балык токымнарын үстерү һәм тирән эшкәртү комплексын төзи башлады. Балык өчен азык булмау сәбәпле, азык җитештерү заводы төзү кирәклеге барлыкка килә, элегрәк Европа илләреннән сатып алганнар. Инвестицияләрнең гомуми күләме якынча 650 миллион сум тәшкил итәчәк.
ИП Курносов Дмитрий Олы Карланга авылында табигатьтә йортлар төзергә планлаштыра, инвестицияләр күләме 15 млн сум тәшкил итәчәк.