ТР ИҮА Kazanforum аша компанияләргә чит ил базарына юл ача
Кичә ТР Инвестицион үсеш агентлыгы җитәкчесе Талия Миңнуллина форумда икенче тапкыр катнашырга карар иткән АБУКО ассоциациясе вәкилләре белән очрашты.
Мәҗитов Васил Марат улы,"Софтплаза" компаниясе вәкиле:
"2022 ел ахырына кадәр без Россия базарында эшләдек һәм үзебезгә халыкара дәрәҗәгә чыгу максатын куймадык, әмма узган ел үз көчебезне сынап карарга һәм эшләнмәләребезне чит ил коллегаларыбызга күрсәтергә булдык. Татарстанда ел саен Россия - Ислам дөньясы: Kazanforum форумы узуга бәйле рәвештә, анда актив катнашырга карар иткәнгә күрә.
Безнең максат кадастр, пространство мәгълүматлары һәм цифрлаштыру өлкәсендә профильле дәүләт һәм шәхси оешмалар белән танышу һәм аралашу иде.
Форумда 4 илдән профильле дәүләт оешмалары, шулай ук 8 илдән бизнес вәкилләре белән очрашу мөмкин булды.
Шулай ук безнең эшләнмәләрне тәкъдим итү һәм безнең тәкъдимнәребезнең башка дәүләтләрдә чын кызыксыну уятуын аңлау мөмкин булды.
Очрашулар нәтиҗәләре буенча ниятләр турында протокол һәм ике ил вәкилләре белән килешү имзаланды.
Килешүләрне һәм алынган элемтәләрне үстереп, без җавап визиты белән җиде илгә югары дәрәҗәдәге очрашулар өчен бардык һәм тәҗрибә уртаклашуны дәвам иттек.
Иң күп сәфәрләр Кыргызстан Республикасына булды. Анда без Бишкек шәһәренең күчемсез милеген кадастр (массакүләм) бәяләү проектын тормышка ашыра алдык. Проект нәтиҗәләре җәмәгатьчелек һәм Кыргызстан Республикасы Хөкүмәте тарафыннан югары бәяләнде.
Бүгенге көндә халыкара эшчәнлекнең перспективалылыгын күрәбез, Kazanforum эшендә тагын да активрак катнашырга планлаштырабыз