Һинд-Россия эшлекле советы белән сөйләшүләр
Бүген Көнчыгыш икътисадый форум кырларында ТР ИҮА җитәкчесе урынбасары Марина Епифанцева Һинд-Россия эшлекле советы, Һинд Сәүдә-сәнәгать палаталары Федерациясе (FICCI) рәисе Трибхуван Дарбари белән сөйләшүләр уздырды.
Очрашу барышында яклар KazanForum 2025тә Һиндстанның потенциаль катнашуы, шулай ук Россия төбәкләренең инвестицион потенциалы, аларның үзенчәлекләре һәм аермалары турында фикер алыштылар. Дарбари әфәнде БРИКС саммитында Һиндстан премьер-министры Нарендра Моди белән бергә катнашачагы белән уртаклашты.
Болардан тыш Трибхуван Дарбари әфәнде:
Тexmaco Defense systems Рvt. Ltd. генераль директоры;
Тexmaco Rail & Engineering Ltd. баш башкарма директоры.;
ашламалар җитештерү буенча Advent Group компаниясе директоры: Pradeep Phosphates Ltd (PPL, Odisha); Zuari Agro Chemicals Ltd (ZACL, Гоа) һәм Mangalore Chemicals & Fertilizers Ltd (MCFL, Мангалор);
Russtech development идарәче директоры, Һиндстан;
Июльдә Һиндстан Премьер-министры Нарендра Моди Россиядә — Казанда яңа консуллык ачылуы турында игълан итте.
Элегрәк ТР ИҮА җитәкчесе урынбасары Марина Епифанцева РФнең Һиндстандагы Сәүдә вәкиллеге алдында чыгыш ясаган иде. Ул билгеләп үткәнчә, Татарстан, аерым алганда, ИҮА һәм Һиндстан арасында ныклы элемтәләр төзелгән.
Очрашу кысаларында Агентлык хезмәткәрләре партнерлары белән быел беренче тапкыр Федераль статуста узган «Россия-Ислам дөньясы: KazanForum» халыкара икътисадый форумы нәтиҗәләре белән уртаклаштылар.
ТР ИҮА җитәкчесе Талия Миңнуллина Һиндстан белән мөнәсәбәтләр һәм илнең Премьер-министры сүзләре турында: Инвестицияләрне үстерү өчен мөһим корал — дипломатик корпус белән эшләү. Казанда Төркия, Кытай, Иран кебек дәүләтләрнең консуллыклары булу, шулай ук бу илләрдән тотрыклы инвестицияләр агымы дипломатик элемтәләрне активлаштыру һәм икътисадый хезмәттәшлекнең нәтиҗәлелеген арттыруның үзара туры бәйләнешен күрсәтә. Һиндстан консуллыгын ачу мөмкин кадәр тизрәк булыр һәм Һиндстан белән Татарстан арасындагы икътисадый мөнәсәбәтләрнең бөтен потенциалын ачарга ярдәм итәр дип өметләнәбез.