Проектлар өстендә эшләү
Җәй — яңа инвестиция проектларын гамәлгә ашыручылар өчен кайнар чор. Бүген Агентлыкта тагын бер бай көн: киләчәктә Татарстанда үсеш алырга мөмкин булган очрашулар, сөйләшүләр һәм инициативалар буенча фикер алышулар узды.
▶«Муссон Групп» вәкилләре белән «Биектау» сәнәгать паркының алга таба үсеше турында фикер алыштылар. Игътибар үзәгендә - потенциаль резидентларны җәлеп итү стратегиясе һәм мәйданчыкны үстерү буенча алдагы адымнар.
▶Шулай ук «Минзәлә балык заводы» ҖЧҖ инвестиция проектын гамәлгә ашыру мәсьәләсе буенча киңәшмә узды. Компания Минзәлә районында елына 350 тонна куәтле балык продукциясен эшкәртү цехы төзергә планлаштыра. Очрашуда проектны гамәлгә ашыру өчен балык тоту участоклары бирү мөмкинлеге турында фикер алыштылар. Агентлык җитәкчесе Талия Миңнуллина юл буе сервисының күп функцияле комплексын төзү мөмкинлеген тикшерүче һәм инвесторлар эзләүче эшмәкәр белән очрашты. Моннан тыш, «Рөстәм» ҖЧҖ проекты буенча киңәшмә узды. Инициативаны алга таба тормышка ашыру өчен инвесторга җир кишәрлеген башка категориягә күчерү мәсьәләсендә республиканың ярдәме кирәк.
Агентлык инвестиция проектларын озатып йөрүне дәвам итә, инвесторларга гамәлгә ашыруның төрле этапларында туган мәсьәләләрне хәл итәргә ярдәм итә.