Ак Чәчәкләр
Талия Миңнуллина «Ел табибы – Ак Чәчәкләр» республика премиясен тапшыру тантанасында булды, анда Татарстанның иң яхшы табиблары һәм медицина хезмәткәрләренең хезмәтләре танылу алды. Татарстан Республикасы Сәламәтлек саклау министры Альмир Абашев Татарстан Хөкүмәтенә сәламәтлек саклауда инфраструктура проектларын үстерүдә ярдәме өчен рәхмәт белдерде: «Шуның аркасында Татарстан бүген медицина ярдәме күрсәтү эшендә илнең әйдәп баручы төбәкләренең берсе булып тора».
Сәламәтлек саклау өлкәсендәге проектларга ярдәм итү — Агентлык эшенең мөһим юнәлешләренең берсе. Алар арасында инвестицияләр күләме 6 млрд сумнан артык булган Әлмәттәге перинаталь үзәк, бәясе 237 млн сумнан артык булган «Нуриевлар Клиникасы» компанияләр төркеменең медицина үзәге, Чаллыдагы МЕД+ медицина үзәкләре (1 чират 113,9 млн сум; 2 чират - 133,6 млн сум), һәм хәзер Түбән Камада объект планлаштырыла. Концессион механизм буенча төзелгән инновацион медицина сәнәгать паркын да билгеләп үтәргә кирәк.
Агентлык җитәкчесе Талия Миңнуллина Татарстан Республикасы Сәламәтлек саклау министрлыгының коллегия составына керә: "Медицина, медицина эшләнмәләре һәм дарулар җитештерү – аерым якын килүне таләп итә торган юнәлешләр. «Инвесторлар клубы»нда елның социаль җаваплы инвесторы» дигән махсус номинация булдырылган, аның буенча татарстанлыларның тормыш сыйфатын күтәрүче проектларга акча кертүчеләрне бүләклиләр".
Исегезгә төшерәбез, РОСТКИ форумы кысаларында 17-18 августта «Россия-Кытай: сәламәтлек саклау өчен технологияләр» I фәнни-эшлекле симпозиумы узачак.