Илдә иң яхшы инвестицион климат эшли!

2017 елның 13 сентябре, чәршәмбе
Татарстан – инвестицион сөйкемлелек буенча беренче регион, республикада хәзер эшләүче инвестицион проектлар җитештерүен киңәйтү – барлыкка килгән инвестклиматның югары дәрәҗәсенең иң яхшы күрсәткече. Шундый слоган астында бүген “Алабуга” МИЗ Татарстан Республикасы Президенты Рөстәм Миңнеханов җитәкләгән Күзәтү советы утырышы уза. Очрашуда даими әгъза буларак Татарстан Республикасының инвестицион үсеш агентлыгы җитәкчесе Талия Миңнуллина катнаша. Очрашуда 4 яңа җитештерү проекты каралды. Беренчесе “Алабуга” МИЗда «Алабуга-Волокно» ААҖ эшханәсендә ПАН-прекурсор җитештерүен оештыру, инициаторы - «НПК «Химпроминжиниринг» (бренд UMATEX Group). Компания перспектив химия сүсләрен һәм углерод композицион материалларны уйлап табуга махсуслаша. Әлеге продукт 5,76 га мәйданын таләп итәчәк. Углерод сүсен җитештерү буенча заводка 3 000 млн. сум инвестицияләнгән, проектка тулай инвестицияләр күләме 4 000 млн. сум тәшкил итәчәк. Продукция җитештерүе 2014 елның 23 декабрендә башланды. 2017 елның өченче кварталында 116 эш урыны булдырылган. Икенче проект «ИНКО-ТЭК Агро Алабуга» компаниясенең минераль ашламалар җитештерүенә багышланган. Проектның инициаторы - «Оргнефтехим-Холдинг» нефть эшкәртү һәм нефтехимия өлкәсендә тулы цикл, проектлау, объектны төзү һәм эшкә кертүне тәэмин итүче компанияләр группасы булып тора. 2016 ел нәтиҗәләре буенча компаниянең кереме 2,7 млрд. сум тәшкил итте. “Алабуга” МИЗ территориясендә җитештерүнең планлаштырылган күләме елга 120 мең тонна тәшкил итәчәк. Проектка гомуми инвестицияләр күләме 700 млн. сум тәшкил итәчәк. Проект 2018 елның 4 кварталында башлап җибәреләчәк. Rockwool International Дания компаниясенең инвестицион проекты МИЗда «Роквул-Волга»  ААҖ җылылык изоляциясен җитештерү буенча завод нигезендә үсемлекчелек өчен Россиядә беренче таш ватасыннан субстрат җитештерүеен булдыруга карый. Әлеге проект шулай импорт алмашуга юнәлгән, чөнки элек алар Голландиядән килгән иде. Rockwool (Роквул) компанияләр группасы -  таш ватасы нигезендә чишелешләрне җитештерүендә лидер. 2016 елда сатулар күләме 2,2 млрд. еврога җитте. Rockwool International эшчәнлек кысаларында субстратларны Grodan (Нидерланды) компаниясе шөгелләнде, ул компаниянең бүлекчесе буларак 1969 елдан эшли. Бүгенге көнгә компания «Роквул-Волга» 5 млн. сум акча үзләштерде, 200 эш урыны булдырылды, җитештерелгән продукция күләме 7,5 млрд. сум тәшкил итте. Җитештерүгә планлаштырылган инвестицияләр күләме якынча 500 млн. сум тәшкил итәчәк. Проект тагын 15 эш урынын булдырачак. Соңгы булып «Хаят Кимья» ААҖ санитар-гигиена кәгазен җитештерү буенча заводның икенче чиратын төзү проекты каралды. «Хаят Кимья» ААҖ «Хаят Кимья Санайи» Төркия компаниясенең бүлендек эшханәсе булып тора. HAYAT группасының бердәм еллык әйләнеше якынча 2,5 млрд. доллар тәшкил итә. 2016 елда компаниядә эшчеләр саны 14 000 тәшкил итте. «Хаят Кимья Санайи» юу һәм чистарту әйберләрен, санитар-гигиена кәгазен, подгузникларны җитештерә. 2016 елда компаниянең әйләнеше 1,4 млрд. доллар тәшкил итә, эшчеләр саны – 8000. “Алабуга” МИЗ территориясендә проектны 39,6 га җир участогында тормышка ашырырга планлаштырыла. Заводның икенче чиратына инвестицияләр күләме 3,3 млрд. сумга җитә. Эшчеләр саны 505 кеше булачак. Җитештерүне киңәйтү елга чыгарылган продукция күләмн 65 меңнән 140 мең тоннага арттырачак. Җитештерү 2019 елның икенче кварталында башланачак. “Үз бизнесы өчен яңа шартларны тудыру һәм җитештерүне киңәйтү инвесторның Татарстанга ышануын белдерә”, - дип Талия Миңнуллина утырыш азагында билгеләде.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Агентлык турында
Документлар
Матбугат хезмәте
Интернет кабул итү бүлмәсе
Адрес: 420049, Казан шәһәре, Агрономия урамы, 11
Телефон: +7 (843) 570-40-01
Факс: +7 (843) 570-40-01
E-Mail: tida@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International