TCI Network кластерларны үстерү халыкара институты вәкилләре Татарстанның инспекция тикшерүе
Казан 2020 елның 14-16 октябрендә TCI Network кластерлы үсеш һәм инновацияләр буенча халыкара Ассоциациянең 23нче Бөтендөнья конференциясен үткәрү хокукын яулады. Гариза Татарстан Республикасының инвестицион үсеш агентлыгы, «Иннокам» Ассоциациясе һәм ВШЭ НИУ тарафыннан әзерләнде. Конференциягә әзерлек кысаларында TCI Network кластерларының халыкара үсеш институты вәкилләренең республикага инспекция визиты узды, анда үсеш агентлыклары, хөкүмәт ведомстволары, кластер оешмалары, фәнни учреждениеләр, дөньяның 110 иленнән компанияләр белгеч-практиклары керә.
«Татарстан Республикасына рәхим итегез! Татарстан – Россиянең уникаль төбәге, инвестицион климат һәм эшлекле кунакчыллык буенча лидер, аның конкурентлылыгы бай традицияләрне берләштерә белүгә, яңа җиңүләргә, яңа горизонтларга, яңа технологияләргә динамик, ныклы, системалы якын килүгә нигезләнә.
Татарстан Россия инновацион регионнары өчлегенә керә.
TCI конференциясе халыкара экспертлар катнашында узачак һәм, һичшиксез, илебез икътисадының кластерлы үсеше процессын тизләтәчәк.
Иң зур дөньякүләм вакыйгаларны үткәреп, без хезмәттәшлек механизмын эшләтеп җибәрәбез. Барлык катнашучылар өчен дә озак вакытлы ышанычлы партнер булырга шат булачакбыз!» – дип кунакларны Татарстан Республикасының инвестицион үсеш агентлыгы җитәкчесе Талия Миңнуллина кластерлар вәкилләре катнашында үткән ведомствоара утырышта сәламләде.
Конференцияне оештыручылар тәкъдим иткән 2020нең тематикасы – 3C концепциясендә (Cities – шәһәрләр, Collaboration – хезмәттәшлек, Creative environment – креатив тирәлек) «Кластерлы үсеш өчен хезмәттәшлек: киләчәкне төзегәндә».
«Без Татарстанның кунакчыллыгына һәм визитыбызның оештырылуына сокландык. Конференция биеклектә узар дип ышанам!» – дип ассызыклады TCI Network Президенты Мерет Даниэль Нильсен.
Конференция региональ конкуренциягә сәләтлелек өлкәсендә иң эре халыкара чара булып тора, 1998 елдан башлап, күренекле шәһәрләрдә һәм төбәкләрдә инновацияләр һәм көчле кластерларны үстерү стратегияләрен төзүдә ирешкән уңышлар белән ел саен үткәрелә.
Стратегия-2030га таянып, Татарстанның икътисадый сәясәте кластерларны формалаштыру һәм үстерүгә, яңа продуктлар, технологияләр һәм хезмәт күрсәтүләр булдыру максаты белән аларның үзара хезмәттәшлеген көчәйтүгә, төбәкнең конкурентлылык сәләтен арттыруга юнәлдерелгән. Кластерлы якын килү бизнес өчен Татарстан Республикасы икътисадый сәясәтенең мөһим юнәлешләрен эшләүдә һәм гамәлгә ашыруда катнашу, дәүләт ярдәме алу мөмкинлеген киңәйтүне күздә тота.
Әлегә кадәр Россия һәм БДБ территориясендә TCI Глобаль конференциясе үткәрелмәгән. Мондый чаралар – дөнья технологияләре һәм белемнәр, дөнья эксперт бергәлегендә имиджны арттыру, шулай ук эшлекле туризмны үстерү трансферы. Республиканың инвестицион үсеш агентлыгы эгидасы астында оештырылган Конвеншн-бюро халыкара әһәмиятле тармак эшлекле вакыйгаларын Татарстанга җәлеп итәргә тиеш.