Октябрьдә Татарстанда V машина төзелеше кластер форумы узачак
2019 елның 23-24 октябрендә Татарстан Республикасы Иннополис шәһәрендә (Иннополис университеты, Университет ур., 1) бишенче юбилей машина төзелеше кластер форумы «Индустрия 4.0 – матрица җитештерү, персоналны кыскартмыйча җитештерүчәнлекне арттыру» булачак.
Форум сәнәгатьне цифрлаштыру буенча иң яхшы дөнья һәм Россия тәҗрибәсен тапшыру, машина төзелеше, чиктәш тармагын үстерү макрорегиональ стратегиясен формалаштыру һәм Россия территориясендә Кооперация инвестицион проектларын тормышка ашыру максаты белән Татарстан Республикасының машина төзелеше кластеры тарафыннан үткәрелә.
«Чара кысаларында инновацияләргә дәүләт һәм дәүләтнеке булмаган ярдәм күрсәтү һәм бизнесны үстерү, субконтрактация һәм кооперация, робототехника өлкәсендә яңа базарлар, җитештерүчәнлекне арттыру, заманча технологияләрне һәм аларны куллану мөмкинлекләрен исәпкә алып, предприятиеләр өчен кадрлар әзерләү, шул исәптән милли проектларны гамәлгә ашыру мәсьәләләре каралачак. Машина төзелеше кластеры әгъзалары һәр илкүләм проектны тормышка ашыруга җәлеп ителгәннәр дияргә була», – дип билгеләде республиканың машина төзелеше кластерының Күзәтү советы рәистәше, Татарстан Республикасының инвестицион үсеш агентлыгы җитәкчесе Талия Миңнуллина.
Машина төзелеше кластер форумында катнашуга субъектлар һәм муниципалитетлар, Россия Федерациясе һәм чит илләр министрлыклары һәм ведомстволары җитәкчеләре, сәнәгать предприятиеләре, инжиниринг үзәкләре, югары белем бирү йортлары җитәкчеләре чакырылган.
Форум ике көн дәвам итәчәк. Беренче эш көнендә берничә тематик чара һәм түгәрәк өстәл үткәреләчәк, анда катнашучылар тармакның перспективалары һәм проблемаларын карачак, шул исәптән «Кадрлар 2025. Роботлаштыру буенча заманча тенденцияләрдә предприятиеләр өчен кадрлар әзерләү», «Аддитив технологияләр», «Сәнәгать дизайны – кулланучы йөрәгенә ачкыч», «Санлы икътисад», «Дәүләт ярдәме. Кредит бирү. Проблемалар һәм уңышлы практика, шулай ук «Казан вертолет заводы» ҖАҖ («Россия Вертолетлары» холдингы) һәм «Газпром нефть шельф» ҖЧҖ («Газпром нефть» ГАҖнең бүлендек җәмгыяте) тәэмин итүче Көне.
Форумның икенче көнендә катнашучылар «Химград» Технополисында, «Иннополис «МИЗ» АҖ, «Энергопрогресс» инженер үзәге ҖЧҖ, «Зарница «ҖБ» ҖЧҖ, «Неон-Арт-М» ҖЧҖ һәм «СервисМонтажИнтеграция» ҖЧҖ, һәм Татарстанның азык-төлек предприятиеләрендә: «Данафлекс» АҖ, «Нәфис» компанияләр төркеме, «Татспиртпром» АҖ булачак.
Алдан теркәлү мәҗбүри һәм форумның рәсми сайтында машфорум.рф ачылды.