Татарстан АСИҮТнең 7 яңа резиденты
7 яңа проект Татарстан Республикасы Премьер-министры Алексей Песошин рәислегендә Татарстан алгарышлы социаль-икътисадый үсеш территорияләрендә эш алып бару турында килешүләр төзүгә гаризаларны карау комиссиясе тарафыннан хупланды.
«Бүген без автомобиль төзелешен, агросәнәгать комплексын үстерергә, шәхси саклану чаралары белән медицина персоналын һәм пациентларны тәэмин итәргә мөмкинлек бирүче проектларга старт бирдек. Инвестицияләрнең гомуми күләме – 2,5 млрд сум, яңа проектларны гамәлгә ашыру өчен 400 яңа эш урыны булдырылачак», – дип Татарстан Республикасының инвестицион үсеш агентлыгы җитәкчесе Талия Миңнуллина сөйләде.
«Яшел Үзән» АСИҮТ яңа проектлары:
- 140 мең тоннага кадәр ашлык саклау белән элеватор төзү (инвестицияләрнең гомуми күләме – 1,7 млрд сум, 86 эш урыны булдырылачак).
- Җөйләрне һәм детальләрне ультратавыш беркетү технологиясен кулланып пациент һәм медицина персоналын яклау өчен бер тапкыр кулланыла торган кием җитештерү (инвестицияләрнең гомуми күләме – 276,4 млн сум, 154 яңа эш урыны булдырылачак, җитештерү куәте – елына 4 млн берәмлектән артык бер тапкыр кулланыла торган кием, шул исәптән хирургия халатлары, костюмнар һәм фартуклар, бала табучы хатын-кызлар өчен күлмәкләр, бахиллалар, бүрекләр, нарукавниклар һәм комбинезоннар).
«Чистай» АСИҮТ яңа проектлары:
- Бөртекле һәм майлы культураларны киптерү, чистарту һәм саклау буенча хезмәт күрсәтү өчен 27 мең кубометрлы заманча элеватор төзү (инвестицияләрнең гомуми күләме – 368 млн сум, 40 яңа эш урыны булдырылачак).
-АНСАТ һәм МИ-8 сериясе вертолетлары өчен «СОВА» җылыту системаларын җитештерү «Казан вертолет заводы» ҖАҖ, Чистай шәһәренең «Восток» фәнни-техник үзәге» ҖЧҖ өчен (инвестицияләрнең гомуми күләме – 29 млн сум, 30 яңа эш урыны булдырылачак).
- Карабодай һәм борчак эшкәртү буенча җитештерү.
- Ысланган балык җитештерү.
«Түбән Кама» АСИҮТ яңа проектлары:
- ЛТИ-162.5 интеграль тракторына һәм запас частьләр әзерләү (инвестицияләрнең гомуми күләме – 83 млн сум, 30 яңа эш урыны булдырылачак).
Шулай ук элек төзелгән «Яр Чаллы» АСИҮТ территориясендә эшчәнлек алып бару, шул исәптән БАРС скважиналарын ремонтлау өчен бораулау агрегатлары һәм аларга комплектлау өчен бораулау агрегатлары җитештерү, рәшәткәле идән җитештерү һәм Россиядә эпоксид сумала җитештерү турында килешүләргә үзгәрешләр кертү өчен гаризалар каралды.