"Шәһәр тормышының яңа форматын" тестлаштырабыз
ТР Инвестицион үсеш агентлыгы делегациясе Казан мэриясе вәкилләре белән берлектә «Яналиф» торак комплексында булды. Визитны ТР ИҮАның инвестицион проектларны структуралаштыру һәм мониторинглау бүлеге башлыгы Сергей Хрущев җитәкләде. Сәфәр барышында чират төзелеше барышын, файдалануга тапшырылган йортларның сыйфатын бәяләделәр һәм проектка инвестицияләр күләме турында фикер алыштылар.
Тикшерүләр төзүченең хисап мәгълүматларын мәйданчыктагы реаль вәзгыять белән чагыштырырга мөмкинлек бирә. Экспертлар төзелеш срокларын һәм параметрларын, финанс күрсәткечләрен, шулай ук сатулар кимүне һәм үзкыйммәтнең үсешен дә кертеп, мөмкин булган куркынычларны анализлый.
Мониторинг йомгаклары буенча республика хөкүмәте өчен хисап төзелә — анда кишәрлектән файдалануның нәтиҗәлелеге һәм инвестиция килешүе шартларының үтәлеше чагыла.
Төп темаларның берсе төзелеш срокларын үтәү һәм фатирларны өлешчеләргә тапшыру булды. Хәзерге вакытта «Яналиф» торак комплексында эшләр расланган график буенча бара. Беренче чират гыйнвар башында файдалануга тапшырылды, һәм бүгенгә 45%өлешчеләргә ачкыч тапшырылган инде.
Башка чиратларда төзелеш актив дәвам итә:
Икенчесендә - фасад эшләре башкарыла, витражлар һәм инженер системалары монтажлана, шулай ук паркинг төзелә;
Өченчесендә - кирпеч өяләр, инженерлык коммуникацияләре салына һәм монолит эшләр дәвам итә;
дүртенчесендә - беренче катларның төп монолит конструкцияләре төзелә.
Визит нәтиҗәләре буенча яклар проектның киләчәк үсеше турында фикер алыштылар һәм инвестицияләр күләмен арттыру турында килештеләр.
Моннан тыш, делегация «Яңа Порт» территориясе үсешен бәяләде. Монда иҗтимагый киңлекләр, арт-кластерлар, сәүдә галереяләре һәм заманча мәгариф учреждениеләре булдыру планлаштырыла. 12 километрлы яр буе төп элемент булачак: «Яңалиф» торак комплексы Иделнең беренче линиясендә урнашкан.