Татарстан Республикасының инвестицион үсеш агентлыгы World Halal Summit кырларында Төркия хакимияте, бизнес һәм хәләл индустриясе оешмалары белән берничә сөйләшүләр үткәрде
Татарстан Республикасының инвестицион үсеш агентлыгы гадәттәгечә Истанбулда (Төркия) Бөтендөнья хәләл саммитында катнашты.
World Halal Summit – дөньяда 80 илдән галимнәр һәм экспертлар арасында хезмәттәшлек һәм тәҗрибә алмашу өчен дөньядагы иң зур платформа. Чара хәләл индустрияне үстерүгә һәм барлык дәрәҗәләрдә стратегик партнерлыкка ярдәм итә.
«Төркия Республикасы – Татарстанның әйдәп баручы инвесторы, күп еллар дәвамында стратегик партнер, һәм без көннән-көн безнең сәүдә-икътисадый, фәнни-техник, социаль һәм мәдәни элемтәләрне ныгытабыз.
Төркия Республикасы кебек үк, Татарстан да хәләл индустриясен үстерүгә зур игътибар бирә. Татарстан хөкүмәте Республиканың инвестицион үсеш агентлыгы булдырган хәләл тормыш рәвешен үстерү буенча Halal Lifestyle юл картасын кабул ителде, ул хәләл туризм, хәләл җитештерү, мода, финанслар, ИТ-медиа кагыла.
Чаралар комплексы «Россия – ислам дөньясы» стратегик караш төркеме эшчәнлеге кысаларында гамәлгә ашырыла, аны Президент Владимир Путин кушуы буенча 2014 елдан башлап Татарстан Республикасы Президенты Рөстәм Миңнеханов җитәкли. План мөселманнарның туристик агымын арттыруга, Татарстан һәм бөтен ил халкын хәләл яшәү рәвешенә җәлеп итүгә, хәләл стандартлар буенча продукция әйләнешен арттыруга, халыкның мөселман модасына мөнәсәбәтен арттыруга, Россиядә һәм чит илләрдә Татарстан брендларын популярлаштыруга, шулай ук Татарстанда шәригать нормалары буенча база финанс IT-инфраструктурасын булдыруга юнәлтелгән», – дип билгеләде Татарстан Республикасының инвестицион үсеш агентлыгы җитәкчесе Талия Миңнуллина.
World Halal Summit ачылу тантанасы Татарстан Республикасының инвестицион үсеш агентлыгы җитәкчесенең беренче урынбасары Инсаф Галиев һәм Татарстан Республикасының мөселманнары Диния нәзарәте каршындагы «Хәләл» стандарты комитеты рәисе Ирек хәзрәт Җиһаншин катнашында тасманы кисү белән башланып китте.
Эшлекле программа кысаларында ислам финанслары, хәләл продукция, ислам туризмы, хәләл медицина, фармацевтика һәм химия, шулай ук хәләл лайфстайл кебек темалар буенча панель һәм дискуссия сессияләре узды.
Агентлык тарафыннан World Halal Summit Советы Президенты Юнус Эте, World Halal Summit Советы Вице-президенты, гаделлек һәм үсеш партиясенең Халыкара эшләр буенча рәис ярдәмчесе Эмре Эте һәм World Halal Summit Советының халыкара элемтәләр буенча проект менеджеры Айлин Рәҗәпова белән сөйләшүләр үткәрелде, анда хезмәттәшлек һәм World Halal Summit Советының «Россия – Ислам дөньясы: Kazansummit-2021» һәм «Russian Halal Expo 2021» күргәзмәләрендә катнашу мәсьәләләре каралды.
Бурса шәһәре мэры Алинур Акташ белән хезмәттәшлекне көчәйтү һәм Бурса шәһәре бизнес-делегациясенең Татарстанга визитын оештыру мәсьәләләре каралды.
Хәләл агентлыгы идарәсе рәисе Зафер Сойлу белән хезмәттәшлек һәм «Россия – ислам дөньясы: Kazansummit» саммитында катнашу турында фикер алыштылар.
World Halal Summit кырларында Агентлык шулай ук Башкортстан Сәүдә-сәнәгать палатасы Вице-президенты Айнур Аккулов җитәкчелегендәге Башкортостан Республикасы делегациясе белән төбәкара хезмәттәшлек мәсьәләләре буенча, ислам илләренең стандартлаштыру һәм метрология институты генераль секретаре Ихсан Ювут әфәнде белән очрашулар уздырды – Казан саммитында катнашу һәм хәләл-продукцияне сертификацияләү өлкәсендә эшчәнлек мәсьәләләре буенча, шулай ук Kartal компаниясе рәисе урынбасары Җиһангир Фикри Саатджиоглу белән сәүдә-икътисадый өлкәдә хезмәттәшлек турында (компания он тегү җиһазлары җитештерү буенча эшчәнлек алып бара).
Төркия ягы белән сөйләшүләр компанияләр һәм оешмаларның Татарстан белән алга таба сәүдә-икътисадый һәм инвестицион хезмәттәшлекне ныгытуга омтылуын һәм үзара кызыксынуларын күрсәттеләр.
World Halal Summitта катнашу нәтиҗәләре буенча Татарстан Республикасының инвестицион үсеш агентлыгына чарада актив катнашканы өчен истәлекле статуэтка тапшырылды.