Татарстан Республикасы Ведомстволары Татарстан Республикасының инвестицион үсеш агентлыгы

«Алабуга» МИЗ Күзәтү советы 9 млрд сумнан артык суммага 5 проект карады

2021 елның 5 апреле, дүшәмбе

Бүген «Алабуга» МИЗның эшлекле үзәге территориясендә Татарстан Республикасы Президенты Рөстәм Миңнеханов рәислегендә Күзәтү советы утырышы узды. «Алабуга» МИЗ Күзәтү советы әгъзасы булган Татарстан Республикасының инвестицион үсеш агентлыгы җитәкчесе Талия Миңнуллина шулай ук проектларны карау буенча утырышта катнашты. «Бүген без инвестицияләрнең гомуми суммасы 9 млрд сумнан артык булган 5 проектны карадык. Финанс тотрыксызлыгы вакытында хосусый инвестицияләр икътисадта аерым роль уйный», – дип Талия Миңнуллина билгеләде. Утырыш кысаларында махсус икътисадый зона территориясендә җитештерү ачу күздә тоткан 5 инвестицион проект каралды. – «Аконит–А» АҖ – инвестицияләрнең гомуми күләме 767 млн сум, 103 эш урыны булдырып, металл эшләнмәләр җитештерүне күздә тота. – «РариТЭК СПГ» ҖЧҖ – инвестицияләрнең гомуми күләме 800 млн сум тәшкил итәчәк, 38 эш урыны булдырып, сыекландырылган табигый газ җитештерүне күздә тота. – «СИБТРАК» ҖЧҖ – инвестицияләрнең гомуми күләме 1,8 млрд сум тәшкил итәчәк, 122 эш урыны булдырып, махсус йөк транспорт чаралары җитештерүне күздә тота. – «Хухтамаки Файбер Алабуга» ҖЧҖ – инвестицияләрнең гомуми күләме 1,4 млрд сум тәшкил итәчәк, 35 эш урыны булдырып, кәгазь җепселдән йомырка өчен экологик куркынычсыз һәм биотаркала торган упаковка җитештерүне күздә тота. Шулай ук утырышта «Данафлекс» КГның 2018 елдан бирле «Алабуга» МИЗ резиденты булган җитештерү куәтләрен киңәйтү мәсьәләсе дә каралды. Махсус икътисадый зона территориясендә төргәкләү буенча яңа завод төзү планлаштырыла. Инвестицияләр күләме – 4,5 млрд сумнан артык. Бүген Татарстан Республикасы Хөкүмәтенә тәкъдим ителгән барлык җитештерүләрне эшләтеп җибәрү 2022 елның беренче-икенче кварталына планлаштырылган. Бүген «Алабуга» МИЗ Күзәтү советына тәкъдим ителгән проектлар бөтен республика өчен сәнәгать-җитештерү тармагының мөһим өлеше булачак.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

Халыкара бизнес-стратег Казанга эшмәкәрләр өчен лекция белән килде

Гаррет Джонстон: "Мин эшмәкәрләргә алар планетаның дүртенче икътисадының үзәгендә утыралар дигән фикер бирергә телим, аларның башка төбәкләр белән чагыштырганда мөмкинлекләре бик зур. Татарстан — инвестицияләр өчен иң яхшы төбәкләрнең берсе. Мин эшмәкәрләргә нәрсә турында уйларга кирәклеген төгәл сөйләргә тырышачакмын. Фикерләү турында сөйләрмен, күзләрен ачарга тырышырмын. Ә төштән соң инструментарий бирәм".

Талия Миңнуллина Һиндстанның рекрутинг агентлыклары вәкилләре белән очрашу уздырды

Татарстанның инвестицион үсеш агентлыгында туры эфирда Һиндстанның рекрутинг агентлыклары белән очрашу узды. Россиягә башка илләрдән кадрлар җәлеп итү мәсьәләләре, республика предприятиеләре тәкъдим иткән программалар һәм төбәкнең инвестицион климаты турында фикер алыштылар.

апрель, 2026 ел

Әлмәт агломерациясенең мастер-планын эшләүдә катнашыгыз!

Татарстан Республикасының инвестицион үсеш агентлыгының «Муниципаль инвестицион сәгать» проектының логик дәвамы республиканың район һәм шәһәр округларына чыга башладылар.

апрель, 2026 ел

"Шәһәр тормышының яңа форматын" тестлаштырабыз

ТР Инвестицион үсеш агентлыгы делегациясе Казан мэриясе вәкилләре белән берлектә «Яналиф» торак комплексында булды. Визитны ТР ИҮАның инвестицион проектларны структуралаштыру һәм мониторинглау бүлеге башлыгы Сергей Хрущев җитәкләде. Сәфәр барышында чират төзелеше барышын, файдалануга тапшырылган йортларның сыйфатын бәяләделәр һәм проектка инвестицияләр күләме турында фикер алыштылар.

ЯҢАЛЫКЛАРГА ЯЗЫЛУ