«Иннополис» Күзәтү советы утырышы
Бүген Татарстан Республикасы Хөкүмәте Йортында «Иннополис» МИЗ Күзәтү советының быел икенче утырышы узды. Совет утырышында Татарстан Республикасының инвестицион үсеш агентлыгы җитәкчесе Талия Миңнуллина катнашты.
Күзәтү советы утырышында инвестицияләрнең гомуми күләме 3 млрд. сумнан артып киткән һәм 400 дән артык яңа эш урыны булган 11 компания проектлары хупланды.
«АйДи Решения» компаниясе төрле спорт төрләрен цифрлаштыру һәм аналитикалау өчен өстәмә чынбарлык платформасы өстендә эшли.
«Тракинсток» компаниясе — «КАМАЗ» ГАҖнең бүлендек предприятиесе проекты — йөк автотехникасының цифрлы сәүдә мәйданчыгын, заказчыларның йөк автотехникасын сайлап алу һәм конфигурацияләү буенча тәкъдимнәрен исәпкә алып, үстерәчәк.
«Дион софт» стоматология клиникасында бизнес-процессларны автоматлаштыру системасы өстендә эшләячәк.
«А-Трекер» компаниясе — хуҗалыкларда терлекләрне исәпкә алу һәм идентификацияләү өчен ветеринария өлкәсендә программалы тәэминаты.
«Охта-Прим» коррозиягә каршы һәм утлы технологияләр үзәге фәнни-җитештерү берләшмәсе” — янгын куркынычсызлыгы өлкәсендә автоматлаштыру өчен программа тәэминаты.
«Меттэм Инжиниринг» «Иннополис» МИЗда R&D-үзәк булдырачак, аның төп бурычы – “акыллы транспорт” технологияләрен эшләү һәм гамәлгә кертү. Компания илебезнең иң эре автомобиль төзелеше предприятиеләре өчен җиһазлар һәм электроника эшли.
«Реалайз» мобиль кушымта эшләү белән шөгыльләнә, ул Sokolov зәркән компаниясендә бизнес-процессларның нәтиҗәлелеген арттыру өчен кулланылачак.
«Мобильное решение» — җирле җитештерүчеләр товарлары һәм хезмәтләре белән “көнгә-көн” китереп торучы агрегат төзүче компания.
«ФармМедПолис РТ» медицина сәнәгать паркын үз территориясендә эшләүче ике «Эвотэк-Мирай Геномикс» һәм «Ланнер» компанияләре тәкъдим итте. Парк территориясендә медицина эшләнмәләре һәм җиһазлары җитештерү белән шөгыльләнүче барлык яңа компанияләр шулай ук «Иннополис» МИЗ резидентлары статусын алачак.
«Трендпласт-М» компаниясе махсус икътисадый зона мәйданчыгында роботлаштырылган системалар кулланып, термочыдам төргәкләү һәм пластик эшләнмәләр җитештерәчәк.
«Смарт Парк» ПСК” компаниясе резидентлар өчен җитештерү-склад комплекслары төзү белән шөгыльләнәчәк.
«Иннополис» махсус икътисадый зонасы узган ел нәтиҗәләре буенча резидентлар һәм партнерлар табышын 23,1 млрд. сум күләмендә күрсәтте, бу, инвестицияләр күләме 28,7 млрд. сум булганда 2019 ел күрсәткечләреннән 50% ка артык. Иннополис хәзер тармаклар буенча диверсификация үткәрә һәм шулай ук медицина һәм сәнәгатьне мәгълүмати технологияләр кластеры белән беррәттән үстерә.