БМО Глобаль Шартнамәсенең Милли челтәре сессиясе
Сәүдә-сәнәгать палатасы Татарстан Республикасының инвестицион үсеш агентлыгы белән берлектә Берләшкән Милләтләр Оешмасының Глобаль шартнамәсе Милли челтәре сессиясен үткәрде. Төп тема: «Тотрыклылыкның актуаль бизнес-стратегияләр һәм ESG. Икътисад, Экология, Кеше».
Агентлык һәм сәүдә-сәнәгать палатасы хезмәткәрләреннән тыш утырышта Татарстан Республикасы министрлыклары һәм ведомстволары җитәкчеләре, Россия университетларының фәнни-профессорлар составы, шулай ук илнең бизнес һәм дәүләт компанияләре вәкилләре катнашты.
Шулай ук әлеге сессиянең төп юнәлеше тотрыклы үсеш максатлары һәм Татарстанның бу мәсьәләләр буенча уңышлы эше турында фикер алышуга юнәлдерелде.
“Халыкара партнерлык экспорт-импорт операцияләрен генә күз алдында тотмый. Бу - уртак тикшеренүләр һәм эшләнмәләр, иң яхшы тәҗрибәләр белән алмашу һәм, әлбәттә, инвестицион эш”, – диде Талия Миңнуллина үзенең чыгышында Нью-Йоркта тотрыклы үсеш максатларында БМО утырышы трибунасыннан.
БМО Глобаль килешүе регионнарның халыкара хезмәттәшлегенең яңа мөмкинлекләрен, шул исәптән аларны презентацияләү, инвестицион җәлеп итүчәнлеген арттыру, иң яхшы региональ эшлекле тәҗрибәләрне тану, партнерлык элемтәләрен үстерү, яңа көчләр һәм белгечләр агымын тәкъдим итә.