Татарстан Хакасия Республикасын сәламли
Бүген Татарстан Республикасының инвестицион үсеш агентлыгында Хакасия Республикасы башлыгы – Хакасия Хөкүмәте рәисе Валентин Коновалов рәсми визит белән булды.
Татарстанның икътисад өлкәсендәге уңышлары, Стратегия-2030 буенча киләчәк перспективалары һәм хәтта татар авылының колоритлы көнкүреше турында Хакасия башлыгына презентация белән Татарстан Республикасының инвестицион үсеш агентлыгы җитәкчесе Талия Миңнуллина чыгыш ясады.
«Безнең республикаларның үзара бәйләнеш нокталары күп. Беренче чиратта, туристлык юнәлешен үстерәсе килә. Күп кенә өлкәләрдә тәҗрибә уртаклашу бик нәтиҗәле булачак, һәм мин сезгә икътисадый сәясәттә тагын да тыгызрак хезмәттәшлек итү өчен Хакасиядән делегация җибәрергә теләр идем», – дип билгеләп үтте Валентин Коновалов.
Хакасия Республикасы Хөкүмәте Рәисе белән очрашуда шулай ук Татарстан Республикасы юстиция министры Рөстәм Заһидуллин һәм дәүләт заказы агентлыгы генераль директоры Яков Геллер катнашты. Ул, үз чиратында, кунакларга республика Маркетинг үзәгенең кураторы булган платформасы турында сөйләде.
Үзәкнең сәүдә ресурсларында бүген бөтен республикадан эшмәкәрләр эшчәнлек алып бара. Тәэмин итүчеләрнең күбесе Казанга, РМҮ ресурсларында алынган табыш күләме кебек үк, туры килә. РМҮнең сатып алу модуле намуслы көндәшлекле мохитне үстерү инструменты булып тора. Ул, тотрыклы керем алучы партнерлар белән тигез шартларда сатып алуларга юл куеп, эшкуарларның мөмкин кадәр күбрәк керемен тәэмин итәргә мөмкинлек бирә. Бу хакта очрашуда Яков Геллер сөйләде.
Хакасия башлыгы шулай ук бүген Татарстан Республикасы Президенты белән очрашты, анда алар уңайлы шәһәр тирәлеген үстерү, цифрлаштыру, мәгариф һәм фән өлкәсендә хезмәттәшлек перспективалары турында фикер алыштылар.