Татарстан һәм Төркия IT-технологияләрне үстерүнең бер юлы буенча бара
Бүген Татарстан Республикасының инвестицион үсеш агентлыгында Bilisim Vadisi информацион технологияләр үзәген тәкъдим итүче Төркия Республикасы делегациясе булып китте.
Эре IT-мәйдан вәкилләре Татарстан Республикасының инвестицион үсеш агентлыгы җитәкчесе Талия Миңнуллина белән очраштылар. Киңәшмәдә Төркия эшкуарлары югары технологияләр индустриясенең нинди темплар белән үсеш алуы һәм заманча технологияләр Төркия территориясендә эре производстволарга ничек уңышлы кертелүе турында сөйләделәр.
«Сездә Иннополис бар, бездә – Bilisim Vadisi, сездә КАМАЗ бар, бездә - TOGG. Без технологияләр һәм эре производстволарны интеграцияләүнең бер юнәлешендә эшлибез. Безнең уртак тырышлыгыбыз безгә Төркиядә дә, Россиядә дә, Татарстан Республикасы аша да бизнесны үстерергә ярдәм итә ала", - дип билгеләп үтте Төркия делегатлары.
Шулай ук темаларның берсе - Татарстан Республикасының машина төзелеше кластеры белән кооперация мәсьәләләре, ул регионда җитештерүне цифрлаштыру һәм автоматлаштыру буенча актив эш алып бара, шул исәптән «Иннополис» МИЗ мәйданчыкларында резидентлык мәсьәләләре.