Молдавия Илчелеге делегациясе: «Татарстан белән тәҗрибә алмашу безнең өчен бик мөһим»
Татарстан Республикасының инвестицион үсеш агентлыгында Молдавиянең Россия Федерациясендәге Илчелеге вәкилләре булып китте. Республика агентлыгы җитәкчесе Талия Миңнуллина кунаклар белән шәхсән очрашты һәм күп кенә икътисади юнәлешләр буенча Татарстан белән эшләүнең өстенлекләре турында сөйләде.
Аерым алганда, илчелек делегациясе Татарстанның авыл хуҗалыгы өлкәсендәге казанышлары, регион үз производствосына кертә торган инновацияләр белән кызыксынды. "Безнең Молдавиядәге хезмәттәшләрегез сезнең сөт продукциясе брендлары белән хезмәттәшлек итү белән бик кызыксына", - дип билгеләп үтте агентлык кунаклары.
Шулай ук делегацияне республика ведомствосы командасы инвестицияләр җәлеп итү һәм Татарстанга килгән һәр инвестор белән эш алып бара торган зур эш тә таң калдырды. Бу — инвестицион проектлар буенча эшләү өчен «бер тәрәзә» принцибы да, һәм Татарстан Республикасының бердәм презентация Үзәге эше дә - мондый эш «безнең инвестицияләр буенча агентлыкка бик уникаль һәм кызыклы».