Испарта Сәүдә-сәнәгать палатасы белән киңәшмә
Бүген Татарстан Республикасының инвестицион үсеш агентлыгы җитәкчесе Талия Миңнуллина Испарта регионының Сәүдә-сәнәгать палатасы Идарәсе әгъзалары белән Төркия проектлары буенча чираттагы сөйләшүләр раунды үткәрде.
Көн тәртибендә беренче булып Татарстанның төзелеш тармагына Төркия мраморын китерү мәсьәләсе булды. «Россия мраморны елына 46 млн долларга сатып ала, шуларның 4 млн Төркия Республикасына туры килә, Без бу күрсәткечләрне Татарстан белән хезмәттәшлек аша арттырырга теләр идек», – дип билгеләп үтте Төркия эшкуарлары.
Киләсе мәсьәлә - эчке базарны һәм экспортны озак саклау өчен суыткыч җиһазлары булган склад бүлмәләре булдыру. Төркия ягына заманча республика мультимодаль логистик үзәкләрендә урнаштыру вариантлары тәкъдим ителде. «Без башлангыч этапта гомуми мәйданы 5 мең кв. метр булган бинаны оештырырга планлаштырган идек, киләчәктә әлеге мәйданнарны 25 меңгә кадәр арттыру белән», – дип өстәде Төркиядән килгән коллегалар.
Бүгенге киңәшмәдә Татарстанга балык хуҗалыгы продукциясен китерү проекты йомгаклау булды. Төркия ягы сөйләвенчә, сөйләшүләр хәзерге вакытта актив стадиясендә һәм бәя сәясәтен килештерү этабында.
Испарта шәһәренең Төркия Сәүдә-сәнәгать палатасы делегациясе Татарстан Республикасының инвестицион үсеш агентлыгында август уртасында булды, анда шулай ук төзелеш, логистика һәм азык-төлек сәнәгатендә үз компанияләренең потенциалы турында сөйләделәр.