Татарстан Хөкүмәтенең Expo Dubai 2020дә катнашучы илләрнең стендларын карап чыгу
Татарстан Республикасының инвестицион үсеш агентлыгы җитәкчесе Талия Миңнуллина Expo Dubai Бөтендөнья күргәзмәсендә катнашучы илләрнең павильоннарында булды.
Татарстан Республикасы Президенты белән павильоннарны карау барышында Агентлык башлыгы ИХО экспозициясе белән танышты. Бу күргәзмәнең концепциясе чын ислам образын алга этәрүдән гыйбарәт. Татарстан Президенты искә төшергәнчә, 2022 елда Идел буе Болгар дәүләтендә ислам динен кабул итүгә 1100 ел тулачак.
Финляндия павильонында Татарстан Хөкүмәте делегациясенә кешенең табигать белән берләшүе концепциясен тәкъдир иттеләр. Оештыручылар павильонны тукталу, акрынаю өчен урын итеп күрсәтә. Архитектура карары тоташтыруның эффекты тудыра торган акустик мөмкинлекләре белән дә көчәйтелгән.
Аннары күргәзмәдә катнашучыларга француз павильонын тәкъдир иттеләр -аның эчтәлеге тарихи артефактлар белән тулыландырылган. Экспозициядә 27 том энциклопедияләр һәм Франциядә технологияләрнең ничек үсүе турында басмалар бар. Павильонда интерактив элементлар Франциянең төп тарихи объектлары буенча виртуаль экскурсия үтәргә мөмкинлек бирә.
Германиянең кампус формасында оештырылган павильонында Татарстан кунакларына креатив экологик идеяләр турында сөйләделәр. Алар тематик зоналарны: энергия лабораториясен, киләчәк шәһәренең лабораториясен һәм биотөрлелек лабораториясен карадылар.
Аннары Талия Миңнуллина Берләшкән Гарәп Әмирлекләре павильонында булды. Ул оча торган лачын рәвешендә төзелгән. 15 мең кв. метр мәйданлы дүрт каттан тора, анда Берләшкән Гарәп Әмирлекләренең төрле өлкәләрдәге мәдәниятен һәм казанышларын күрсәтүче экспозицияләр оештырылган.