“Технологияләр” стратегик сессиясе
2021 елның 27-30 ноябрендә Казан дәүләт архитектура-төзелеш университеты базасында «Технологияләр» стратегик сессиясе узды. Әлеге сессия Татарстан Республикасы фәнни-мәгариф комплексының торышы аудиты кысаларында узды. Бүген Казан дәүләт архитектура-төзелеш университеты мәйданчыгында Татарстан Республикасының инвестицион үсеш агентлыгы җитәкчесе Талия Миңнуллина катнашты.
Татарстан Республикасы Президенты Рөстәм Миңнеханов кушуы буенча стратегик лидерлык институты (Мәскәү ш.) тарафыннан региональ тикшеренүләр һәм эшләнмәләрнең, шул исәптән сәнәгатьтә кулланыла торган тикшеренүләр секторының агымдагы торышын төрле яклап диагностикалауны тәэмин итүгә юнәлдерелгән проект гамәлгә ашырыла.
Стратегик сессия алдынгы фәнни һәм мәгариф үзәкләреннән белгечләр, Татарстан Республикасы башкарма хакимияте органнары, сәнәгать предприятиеләре җитәкчеләре катнашында панель дискуссиясе форматында уздырылды. Экспертлар берләшмәсе эшче төркемнәрнең төрле юнәлешләре буенча тәкъдим ителгән берничә проектны тыңлады.
Сессиядә катнашучылар арасында машина төзелеше кластеры әгъзалары – Казан милли тикшеренү технология университеты, Казан (Идел буе) федераль университеты, “Зарница” җитештерү берләшмәсе һәм МТЗ-Татарстан Сәүдә-җитештерү компаниясе вәкилләре дә бар иде.