«ПРОФ-IT.Инновация» II Илкүләм IT-карарлар конкурсына гаризалар кабул итү дәвам итә

Быел конкурс РФ Цифрлы үсеш, элемтә һәм массакүләм коммуникацияләр министрлыгы, РФ Сәламәтлек саклау министрлыгы, РФ Икътисади үсеш министрлыгы, Россия гадәттән тыш хәлләр министрлыгы, РФ Авыл хуҗалыгы министрлыгы, РФ спорт министрлыгы, РФ төзелеш һәм торак-коммуналь хуҗалык министрлыгы, «Ватан Софты» АРПП ярдәме белән үткәрелә.

Конкурска проектларны Россиянең теләсә кайсы IT-компаниясе тәкъдим итә ала.

Гаризаны 2022 елның 22 февраленә кадәр digit.d-russia.ru сайтында тапшырырга мөмкин. Конкурста җиңүчеләр «ПРОФ-IT» X Бөтенроссия региональ мәгълүматлаштыру форумы кысаларында үз карарларын тәкъдим итәчәкләр.

Быел гаризалар 13 номинациядә кабул ителә: «Зур мәгълүматлар», «Чыбыксыз элемтә технологияләре», «Бүленгән реестр», «Цифрлы икеле», «Виртуаль һәм өстәмә чынбарлык технологияләре», «Мәгълүмати куркынычсызлык», «Мәгълүмат ресурслары белән идарә итү», «Идентификация һәм аутентификация», «Болытлы карарлар», «Пространство мәгълүматлары», «Мәгълүматлар аналитикасы», «Ясалма интеллект», «Акыллы шәһәр технологияләре».

«ПРОФ-IT.Инновация» халыкара фәнни-гамәли конференциясе кысаларында электрон дәүләтнең Эксперт үзәге эшли, ул инде 10 ел дәвамында ел саен үткәрелә торган «ПРОФ-IT» Бөтенроссия мәгълүматлаштыру форумын һәм башкарма хакимият органнары катнаша торган проектлар конкурсы үткәрә.

Татарстан Республикасы мәгълүматлаштыру һәм элемтә министрлыгы мәгълүматлары буенча