Лаос Халык-Демократик Республикасының Россия Федерациясендәге илчесе ТР ИҮАда булды
Лаос Халык-Демократик Республикасының Россия Федерациясендәге Гадәттән тыш һәм Тулы вәкаләтле Илчесе Йиапохэ Вилаван һәм Лаос Халык-Революцион Партиясе Үзәк Комитетының халыкара бүлеге мөдире Тхонгсавана Фомвихана әфәнде Татарстан Республикасының инвестицион потенциалы белән танышу өчен Татарстан Республикасының инвестицион үсеш агентлыгында булдылар.
Бердәм презентация үзәгендә булганда ТР ИҮА җитәкчесе Талия Миңнуллина кунакларга республиканың икътисади, мәдәни, инвестицион, сәнәгать һәм башка мөмкинлекләре турында сөйләде.
Йиапохэ Вилаван: “Мин Казанда 20 ел элек булдым һәм анда барганда, кабат, шатланып гаҗәпләндем, чөнки барысы да тагын да матуррак булды. Мине Татарстанның ничек үсүе бик сөендерә, чөнки хәтта СССР таркалган вакытта да, нәкъ менә Татарстан Республикасы, сәнәгать, мәгариф аспектларында тонусны саклап калуны дәвам итте һәм куелган максатларга ачык итеп барды. Сезнең мәдәниятегез миңа бик якын. Шунысын да билгеләп үтәргә телим, без Татарстан Республикасы белән хезмәттәшлек итәргә телибез һәм безнең үзара хезмәттәшлек итә алырлык күп юнәлешләребез бар дип саныйбыз, бу гомумән Россия белән Лаос мөнәсәбәтләренә уңай йогынты ясый”
Талия Миңнуллина Тхонгсаван Фомвиханның төп капиталга инвестицияләр җәлеп итүнең уңышы, республиканың грамоталы һәм максатчан башлыгы һәм Татарстанда төп капиталга инвестицияләр җәлеп итү өчен эшләүче кадрлар составының мөһимлеге турындагы кызыксындырган сорауларына җавап бирде!