«Әй, дуслар, хәзер нәрсәдер булачак!»
«Үзеңә инвестициялә - республиканы үстер» мәгариф проекты тәмамланды! Проектның партнерлары - «ТР инвестицион үсеш агентлыгы», «ТР Яшьләр хөкүмәте», «ТР Студентлар Лигасы» һәм «КФУның Идарә, икътисад һәм финанс институты».
«Үзеңә инвестициялә - республиканы үстер» - хакимият һәм бизнес вәкилләре, танылган тренерлар катнашында «Татнефть» ХФ ярдәме белән гамәлгә ашырыла торган уникаль инвестицион интенсив. Уку этаплары эшлекле коммуникация күнекмәләрен үстерүгә һәм Татарстан Республикасында инветицион эшчәнлек белән танышуга юнәлдерелгән. 17 югары уку йортының 10 белгечлеге студентлары Татарстан Республикасының инвестицион үсеш агентлыгы каршындагы Яшьләр хөкүмәте киңәшчесенең белем бирү проектында катнашу өчен гариза бирделәр һәм аларның 50се сайланды.
«Урам» экстрим-паркында «Татнефть» ААҖ грантын алган интенсив авторы Артур Масливец, Агентлык җитәкчесе урынбасары Марина Епифанцева һәм республика Яшьләр министрлыгы вәкиле старт бирделәр.
Артур Масливец - КФУның Идарә, икътисад һәм финанслар институтының 4 курс студенты, Татарстан Республикасы Яшьләр хөкүмәте киңәшчесе, Яшьләр хөкүмәте һәм агентлыгы чараларында актив катнашучы. 2022 елда Яшьләр хөкүмәте яңа составта эшләгәннән бирле 26 октябрьдән ул эшлекле һәм яшьләр юнәлешендәге 16 вакыйгада катнашты.
Билгеле булганча, инвесторларны уңышлы җәлеп итү өчен эш остасы гына түгел, сүз остасы да булырга кирәк. Үз фикерләреңне ачык һәм аңлаешлы итеп җиткерә белү. Нәкъ менә шуңа күрә проектның беренче көнендә КНИТУның өстәмә белем бирү институтының Ораторлык сәнгате буенча укытучысы, инженер педагогикасы һәм психология кафедрасы ассистенты Кристина Жукова чыгыш ясады. Студентлар халык алдында чыгыш ясаганчы үз-үзләрен көйләүнең берничә техникасын, тавышның төрле ешлыгы өчен сулыш алу ысулларын үзләштергәннәр, сөйләүченең тән теле аның аудиториясенә ничек тәэсир итә икәне белән танышканнар.
Икенче этапта катнашучыларны ТР Инвестицион үсеш агентлыгына чакырдылар. Яшьләрне “Дәүләт-хосусый партнерлык” төшенчәсе белән таныштырдылар. ИҮА хезмәткәрләре концессия килешүләре, офсет контрактлары, бу юнәлешне җайга салучы законнар турында сөйләделәр, шулай ук Татарстанда ДХП нигезендә гамәлдәге проектларның мисалларын китерделәр. ДХПны үстерү бүлеге башлыгы Элина Җиһанова Агентлыкның бу юнәлештәге эше турында сөйләде: «ТР ИҮА мондый проектларның нәтиҗәлелеген бәяләү буенча вәкаләтле орган булып тора. Дәүләт-хосусый партнерлык проектлары кебек катлаулы проектларны дөрес структуралаштыру өчен без тулысынча хокукый һәм икътисади экспертиза ясыйбыз». Практик өлешендә балалар ДХП буенча мәсьәләләрне хәл иттеләр, реаль мисаллар белән практик кейсларны чиштеләр.
Укытучылар көнендә белем бирү проектында катнашучылар Россиядә ислам финанслау хезмәтләре күрсәтүче беренче Сбер бүлегендә булдылар. Экскурсияне офис җитәкчесе Искәндәр Хәкимов үткәрде, аның барышында студентлар ислам финанслау нигезләре һәм офисның эш принциплары турында белделәр.
Исегезгә төшерәбез, быелгы Kazanforumда ислам финанслау сессиясе кысаларында әлеге Сбер офисы Россиядә генә түгел, чит илләрдә дә үрнәк һәм тираж үрнәге буларак танылды.
Экспертлар арасында ислам финансларының төп принциплары турында тулырак мәгълүматны ТР ИҮА җитәкчесе Талия Миңнуллина сөйләде: https://tatcenter.ru/conferences/islamskij-banking-startoval-eksperiment-po-partnerskomu-finansirovaniyu/
Интенсивның соңгы өлеше Татарстан Республикасының инвестицион үсеш агентлыгында узды. Ябылуда катнашучылар «Үзеңә инвестициялә - республиканы үстер» проектын тормышка ашыруда ярдәм иткәне өчен рәхмәт белдерделәр һәм Агентлык җитәкчесе Талия Миңнуллинага үз тәэсирләрен һәм алган белемнәрен җиткерделәр. Җавап итеп ул аларга үз-үзен тәкъдим итү һәм шәхси бренд буенча киңәшләр һәм үгет-нәсихәтләр белән уртаклашты. Тайм-менеджментның һәм үзенең уникаль шәхес сыйфатларын үстерүнең мөһимлеген билгеләде.
Талия Миңнуллина: «Үзеңә һәм белемеңә инвестицияләр салу мөһим. Яшьләр - безнең киләчәгебез! Даими рәвештә өйрәнергә һәм камилләшергә, үз эшеңнең белгечләре, эре эшмәкәрләр булырга һәм Татарстан Республикасына инвестицияләр җәлеп итәргә кирәк!»