Серб Республикасы фәнни-технологик үсеш, югары белем һәм мәгълүмат җәмгыяте министрының визиты
Бүген Татарстан Республикасының инвестицион үсеш агентлыгына Серб Республикасы Президенты (Босния һәм Герцеговина) Милорад Додик җитәкчелегендәге Сербия делегациясе составында өч көнлек визиты кысаларында Серб Республикасы фәнни-технологик үсеш, югары белем һәм мәгълүмат җәмгыяте министры Будимир Желько килде.
ТР ИҮА җитәкчесе Талия Миңнуллина кунакка Агентлыкның Бердәм презентация үзәгендә республиканың инвестицион потенциалын җентекләп тәкъдир итте.
Министр Татарстан Республикасының төбәк икътисады үсешенә конвергент карашын, ягъни Иннополис шәһәре мисалында мәгариф (кадрлар әзерләү) һәм булачак эш бирүчеләрнең үзара бәйләнешен билгеләп үтте.
Шулай ук ул Агентлык җитәкчесе карашларының җитештерү механизмнарына ясалма интеллектны кертү һәм аны роботлаштыру позициясендә кыюлыгын билгеләп үтте.
"Сез ясалма интеллектның мөмкинлекләрен күрәсез, анда без барыбыз да "туңа" башлыйбыз" - Будимир Желько.
Очрашу ахырында Министр барлык илләрнең дә безнең кебек халыкара мөнәсәбәтләрне актив рәвештә саклаячак республикалары булырга тиеш дигән нәтиҗәгә килде.
"Мин үз гомеремне бирергә әзер булган тагын бер ил [Сербиядән тыш] - бу Россия. Мин хәзер җитди әйтәм" - Будимир Желько. Министр аның бер кызының репетитор белән рус телен өйрәнүен һәм анда укый белүен әйтте