Руденко, Миңнеханов, Миңнуллина. ИХО илләре илчеләре белән очрашу
Бүген ТР ИҮА җитәкчесе Талия Миңнуллина «Россия – Ислам дөньясы» стратегик караш төркеме җитәкчелегенең РФ Тышкы эшләр министрлыгының кабул итү Йортында Ислам хезмәттәшлеге оешмасы әгъзалары булган илчеләр белән очрашуында катнаша.
Илчеләргә төркемнең 2023 елдагы эш нәтиҗәләре һәм якын планнары турында сөйләделәр. 2024 елның 16 маена билгеләнгән төркемнең «Россия – Ислам дөньясы: гадел күпполяр дөнья төзелеше һәм куркынычсыз үсеш» көн тәртибе белән махсус чарасына аерым игътибар бирелде, ул Казанда «Россия – Ислам дөньясы: KazanForum 2024» Халыкара икътисади форумы көннәрендә узачак.
Талия Миңнуллина: "Узган ел "Россия-Ислам дөньясы: KazanForum" форумында 130 килешү һәм меморандум төзелде. 15 юбилейлы халыкара икътисадый форум үз кунакларын тагын бер тапкыр тулы программа белән сөендерәчәк һәм катнашучыларның һәрберсенә чит ил базарына чыгу мөмкинлеге бирәчәк!
Мин сезне Татарстан биргән барлык мөмкинлекләрне кулланырга чакырам. Узган ел дөньяның 80 иле Россиянең 86 төбәге чарада катнашты.
Фәләстин, Пакистан, Кувейт, Согуд Гарәбстаны, Малайзия, Индонезия хөкүмәтара комиссияләре һәм түгәрәк өстәлләр: Россия-Малайзия, Россия-Катар, Россия-Әзербайҗан.
KAZAN HALAL MARKET халыкара сәүдә ярминкәсе, "RUSSIA HALAL EXPO" халыкара икътисади һәм фәнни-технологик хезмәттәшлек күргәзмәсе.
Яшь дипломатлар, Сәүдә-сәнәгать палаталары форумнары, транспорт коридорларын үстерү сессиясе, туризм, мәдәният, мәгариф сессиясе - бу активлыкларның барысы да узган ел федераль статус алган мәйданчыкка зур кызыксынуны канәгатьләндерергә тиеш. Бүген ислам дөньясы илләре өчен төрле килешүләр төзү өчен тулы хокуклы платформа булды. Быелгы форумга Россиянең барлык төбәкләре әзерләнә. ИХО илләре дә үз катнашуларын раслады.
KazanForum – үз илең, аның икътисади потенциалы һәм казанышлар турында сөйләү мөмкинлеге. Бизнес өчен Россиядә яңа эшлекле партнерлар табу һәм үзенә яңа базар ачу, аның механизмнары белән танышу, мәдәни чаралар (күргәзмәләр, концертлар, эшлекле кабул итүләр) аша илегезнең мәдәниятен һәм традицияләрен тәкъдим итү өчен реаль мөмкинлек