Тәтеш муниципаль районы белән «инвестицион сәгать»
Татарстан Республикасының Тәтеш муниципаль районы Рөстәм Миңнеханов рәислегендә узган республика киңәшмәсе кысаларында тотрыклы социаль-икътисадый үсешне тәэмин итү чараларын гамәлгә ашыру турында хәбәр итте.
Мондый киңәшмәләр атна саен республика Хөкүмәте йортында уза. Шәһәр мэры докладында район эшчәнлегенең төп күрсәткечләре, тармакларны үстерү, эшмәкәрлек торышы, хезмәт хакы һәм эшсезлек дәрәҗәсе, социаль инфраструктура һәм торак төзелеше темплары, мәгариф, төрле өлкәләрдә казанышлар карала.
Тәтеш муниципаль районы башлыгы Рәмис Сафиуллов районда аккредитацияләнгән «Тәтеш» сәнәгать паркы эшләвен искәртте. Узган ел резидентлар 120% үсеш белән 720 млн сумлык продукция җитештергән (2022 ел - 592,1 млн сум), 100гә якын кеше эшли, бер елда 30 млн сумнан артык инвестицияләнгән.
Паркның якорь резидентлары “ТТС 16”, “Полимер Поволжье” һәм Евдокимов балык заводы. "Полимер Поволжье" республика ярдәм чараларыннан актив файдалана - электр энергиясе чыгымнарына субсидияләр ала", - диде район башлыгы.
Парк территориясендә «Тетюширыбпром» балык эшкәртү заводы төзелә. Инвестицияләр күләме 70 млн сум планлаштырыла, 25 яңа эш урыны булдырылачак.
Фасадлы металл кассеталар ясау буенча потенциаль резидент белән эш алып барыла. Җитештерү өчен бина сайланган, ярдәм чараларында катнашу планлаштырыла.
Район алдында торган бурыч - яңа резидентларны җәлеп итеп, паркның тулылыгын арттыру.
Бер тармак та тиешле күләмдә инвестицияләр кертмичә үсә алмый. Узган елда аларның күләме 2 млрд 700 млн сум тәшкил итәчәк.