950 млн сумлык инвестиция проекты гамәлгә ашырылган
Бүген «Татлифт» ҖЧҖнең лифт җиһазлары җитештерү буенча фәнни-тикшеренү институты заводын ачу тантанасы узды.
Инвестор 2020 елның 25 декабрендә Инвестиция советын узды. Аның ИҮАга килүеннән алып объект ачылуга кадәр Агентлык, бигрәк тә экспертиза һәм озата бару бүлеге хезмәткәрләре юлда туган барлык сорауларны хәл итте. Проект авторлары белән очрашулар даими рәвештә узды, мәсәлән, 2022 елның 28 октябрендә ТР ИҮА җитәкчесе чираттагы тапкыр «Татлифт» компаниясенең генераль директоры Гөлшат Заһидуллина белән очрашты. Моннан тыш, "Татлифт" Яшел Үзән АҮТ резиденты булып тора һәм мөмкин булган барлык ярдәм чараларын ала!
Талия Миңнуллина: “Бүген, әлеге инвестицион проектны башлап җибәргәндә, без 6 апрельдә Владимир Путин куйган масштаблы социаль әһәмиятле бурычны тормышка ашыруга үз өлешебезне кертәбез. Ул лифтларны алыштыру яки модернизацияләү программасын эшләү һәм аны финанслау чыганакларын, шул исәптән бюджеттан тыш чыганакларны билгеләү, шулай ук күрсәтелгән алмаштыру яки модернизацияләү өчен кирәкле санда һәм номенклатура буенча лифтлар җитештерүне тәэмин итү буенча тәкъдимнәр әзерләргә һәм тәкъдим итәргә кушты.
Инвестиция проектын гамәлгә ашыру 2020 елда башланды. 2024 елның февралендә Дәүләт төзелеш күзәтчелеге инспекциясе таләпләргә туры килү турында нәтиҗә бирде. Предприятие продукциясенә ТР торак-коммуналь хуҗалык фонды программасы буенча искергән лифт җиһазлары паркын алыштыру кысаларында ихтыяҗ бар. Инвестицияләр күләме - 950 млн сум”.