Татарстан - Россия төбәкләренең халыкара элемтәләре өчен юл күрсәтүче
Абу-Дабида Бөтендөнья инвестиция форумы мәйданчыгы инвестицияләр һәм үсеш агентлыкларының Милли Ассоциациясендә стажировка үткәрү өчен база булды. Татарстан агентлыгы Ассоциацияне һәм аның әгъзалары арасыннан чит ил коллегалары белән элемтәдә булган агентлыкларны хуплады.
Бөтендөнья һәм Россия инвестиция агентлыклары ассоциацияләре очрашуы тарихи булды. WAIPA һәм НААИР эш формалары һәм хезмәттәшлек мөмкинлекләре турында фикер алыштылар.
Шулай ук Ассоциация әгъзалары Һиндстанның инвестиция агентлыгы InvestIndia белән очраштылар. Ил агентлыгы кызыклы эш формалары белән уртаклашты, үзара хезмәттәшлекне тагын да тирәнәйтү турында килешүләр төзелде, шул исәптән БРИКС форматында да.
Мәйданчык хуҗалары - Абу-Дабиның инвестицияләр агентлыгы үз офисларының эше турында сөйләде һәм хезмәттәшләренә потенциаль партнерлар белән элемтәдә торырга әзерлеген белдерде.
Талия Миңнуллина: “Мин инвестицияләр җәлеп итү буенча хезмәттәшләремне хуплыйм, чөнки үсешнең чираттагы әйләнеше – төбәкара хезмәттәшлек. Регионнар арасында көндәшлек дәвам итә, шул ук вакытта уртак элемтәләр безне көчәйтә генә. НААИР.Глобал мәйданчыгында мин Россияне инвестицияләр дөньясы белән тоташтырам”.
НААИР делегациясе составында агентлык җитәкчесе урынбасары Марина Епифанцева стажировка үтә.