ТР ИҮАда хатын-кызлар Эшлекле Альянсы
Бүген Татарстан Республикасының инвестицион үсеш агентлыгында хатын-кызлар эшлекле альянсы очрашуы узды. ТР ИҮА җитәкчесе Талия Миңнуллина белән кунакларны ТР премьер-министры урынбасары Ләйлә Фазлыева сәламләде.
ТР ИҮА башлыгы Агентлыкның Бердәм презентация үзәгендә республиканың икътисадый һәм инвестицион потенциалын тәкъдир итте, аннары конференц-залда алар белән аралашты, кунакларны борчыган барлык сорауларга җавап бирде.
Очрашу барышында яклар Татарстанның авыл хуҗалыгы тармагының уңышы, "Стратегия 2030"ны "Стратегия 2050"гә алыштыру, республиканың Кытай белән икътисадый мөнәсәбәтләре, Татарстанда дәүләт хакимияте структурасы, шулай ук хәзерге хатын-кызның шәхси тормышын эш белән ничек уңышлы алып баруы турында фикер алыштылар.
Мисырдан финанс инвестицияләре белән шөгыльләнүче альянс әгъзасы Марианна Гали халыкның авыллардан шәһәрләргә күченү мәсьәләсендә ил белән республика проблемаларының охшашлыгын билгеләп үтте һәм Татарстанның бу проблеманы ничек хәл итүе белән кызыксынды. Агентлык җитәкчесе республика, аерым алганда пространстволы планлаштыру институты тарафыннан эшләнә торган агломерацияләрнең мастер-планнары турында сөйләде.