"Матур итеп очып китәргә мөмкин! Киләчәктә үсеш күрсәткечләре белән Татарстанны барысыннан да ныграк таң калдырырга сәләтле Кама Тамагы районы белән «муниципаль сәгать»
Татарстан Республикасының инвестицион үсеш агентлыгында Кама Тамагы районы белән унберенче муниципаль сәгате узды.
ТР ИҮА җитәкчесе Талия Миңнуллина: "Кама Тамагы муниципаль районы турында нәрсә әйтергә була? Бик матур! Әмма, кызганычка каршы, ул 2023 елда төп капиталга инвестицияләр буенча 45 нче урында тора, бюджет акчаларыннан тыш. Бер яктан, районга инвестицияләрнең аз булуы бик начар. Икенче яктан, түбән база эффекты хисабына үсеш перспективасы бик зур. Матур итеп очып китәргә мөмкин. Инвестицияләр бар, проектлар тормышка ашырыла, алар бик күп яки бик зур түгел генә. Иң мөһиме – эшләргә юнәлешләр күп!"
Район башлыгы туры эфирда районның икътисадый күрсәткечләре, аның конкурент өстенлекләре, гамәлгә ашырылган һәм агымдагы инвестиция проектлары, шулай ук бизнес өчен вакантлы урыннар турында сөйләде.
Очрашу барышында шулай ук инвесторлар да чыгыш ясады. Алар үзләренең проектлары һәм райондагы эш тәҗрибәсе турында сөйләделәр.
1. Марсель Миңнуллин - "Табигать территорияләре белән идарә итү" ҖЧҖ директоры
2. Алмаз Насыйров - "Камамбер" сыр заводы директоры
3. Руслан Нуриев - Крестьян-фермер хуҗалыгы башлыгы
Раилә Хәйруллина - Фермер хуҗалыгы партнеры
Таймкод: 1:18:39
Карарга: https://vk.com/video-211407548_456239362
Районның инвестиция куышлары:
1) гастрономия бизнесы
2) туристлык проектлары