Татарстанның гамәлдәге һәм потенциаль инвесторлары игътибарына!

Хәзерге вакытта Татарстан Республикасында төрле форматтагы һәм масштабтагы 100 дән артык сәнәгать мәйданчыгы бар. Аларның бер өлеше тулысынча арендаторлар белән тулган һәм буш мәйданнарга кискен кытлык кичерә, ә кайберләрендә бизнес өчен урыннар бар әле!

Үз проектлары өчен мәйданнар сайлап алучы потенциаль инвесторлар еш кына республиканың барлык сәнәгать мәйданчыкларының тәкъдимнәрен өйрәнә алмыйлар һәм тәкъдим итәсе әйберләре булмаган танылган эре сәнәгать паркларына мөрәҗәгать итәләр.

Потенциаль резидентларның мөрәҗәгатьләрен туплау һәм мәйданнарда инвесторларның ихтыяҗларына оператив җавап бирү өчен «Промпарки.рф» платформасы эшләтеп җибәрелде. «Промпарки.рф» сайты аша кергән гаризалар Татарстан Республикасы сәнәгать кластерының «Сәнәгать һәм индустриаль парклар, МИЗ, АҮТ резидентларына ярдәм итү системасын үстерү» тармак комитеты чатында урнаштырыла.

Белешмә мәгълүмат: сәнәгать паркларының тулылануы

2024 ел нәтиҗәләре буенча Татарстан сәнәгать парклары территориясендә 1700дән артык предприятие һәм 70 меңнән артык кеше эшли. Резидент предприятиеләр әйләнеше 560 млрд сумнан артык тәшкил иткән.

Гомумән алганда, гамәлгә ашырыла торган дәүләт ярдәме чаралары, муниципалитетлар һәм идарәче компанияләр эше, Татарстан Республикасы бюджетыннан капитал салулар исәбенә инфраструктур чикләүләрне бетерү программалары үзләренең нәтиҗәлелеген исбатлады һәм сәнәгать паркларының тулылыгын 80% ка кадәр арттырырга мөмкинлек бирде.

Бүген сәнәгать парклары резидентларына салым ташламалары, электр энергиясен куллануга субсидияләр, җиһазларны льготалы финанслау һәм лизинг, шулай ук партнерлык финанславы кысаларында финанс ярдәме программалары алырга мөмкин.