Һиндстанда РФ Сәүдә вәкиле белән онлайн очрашу
Бүген Россия Федерациясенең Һиндстандагы сәүдә-икътисадый вәкиле Андрей Соболев белән онлайн очрашу узды, ул Татарстан Республикасы Сәнәгать һәм сәүдә министрлыгы тарафыннан республиканың тышкы элемтәләрен үстерү өчен чит илләрдә Россия сәүдә вәкилләре белән конференцияләр сериясе кысаларында оештырылды.
Яклар Татарстан Һиндстан белән үзара хезмәттәшлек итә торган юнәлешләр буенча фикер алыштылар. Мәсәлән, Һиндстан һәм Татарстан предприятиеләре арасында хезмәттәшлек, авыл хуҗалыгы һәм азык-төлек, мәдәният, мәгариф, сәламәтлек саклау, спорт һәм яшьләр сәясәте, туризм өлкәләрендә хезмәттәшлек. Шулай ук үзара файдалы партнерлыкны көчәйтү һәм үстерү өчен перспективалы өлкәләр билгеләнде. Мәсәлән, сәнәгать өлкәсе, ИТ-өлкә, сәламәтлек саклау, мәдәният, мәгариф.
Очрашу барышында Татарстан Республикасының инвестицион үсеш агентлыгы җитәкчесе Талия Миңнуллина чыгыш ясады. Ул барысын да агымдагы елның октябрендә булачак "TIME: Tatarstan - India mutual efficiency" ("Вакыт: Татарстан - Һиндстан: үзара нәтиҗәлелек") форумында катнашырга чакырды.