Инвестицион климат рейтингы нәтиҗәләре бүген билгеле булачак
2015 елдан Татарстан Россия Федерациясе субъектларында инвестицион климат торышының милли рейтингында алдынгы урыннарны били. 2015-2017 елларда республика рейтингта лидер булды, 2018 елда өченче урынны алды, ә 2019-2024 елларда икенче урынны саклап калды.
"Гадәттәгечә Татарстан Республикасы, инвестицион климат булдыруда алдынгы регион буларак, региональ инвестицион стандартка туры килү буенча Россия Федерациясе Икътисадый үсеш министрлыгы таләпләрен 100% ка үти һәм ел саен Россия Федерациясе субъектларында инвестицион климат торышының милли рейтингында лидерлыкны раслый», - дип ассызыклады Татарстан ИҮА җитәкчесе Талия Миңнуллина.
Исегезгә төшерәбез, 2024 ел ахырында Мәскәүдә, Россиянең милли үзәгендә инвестицион үсеш өлкәсендә «Инвестицион үсеш лидерлары-2024» милли премиясе җиңүчеләрен бүләкләү тантанасы узды.
ТР ИҮА җитәкчесе Талия Миңнуллина һөнәренә тугрылыгы һәм инвестицион бергәлек үсешенә керткән өлеше өчен "Ел җитәкчесе" номинациясендә махсус премия белән билгеләп үтелде! Бүләкне аңа РФ Хөкүмәте Рәисе урынбасары Александр Новак тапшырды. Исегезгә төшерәбез, агымдагы елның октябрендә Агентлык юбилеен билгеләп үтте - Талия Миңнуллина вазыйфага билгеләнүгә нәкъ 10 ел.
Шулай ук "Ел инвесторы" номинациясендә "Татнефть" компаниясе һәм "Муниципалитетның инвестицион җәлеп итүчәнлек турында иң яхшы видеоролик" номинациясендә Яшел Үзән муниципаль районы җиңүчеләр булды!
Белешмә:
Бүләкләү Россия Федерациясе Хөкүмәте Рәисе урынбасары А. В. Новак катнашында «Россиянең киләчәге турында 100 мәсьәлә» чарасы кысаларында узды.
Премия операторы (ИҮАМА) тарафыннан Россиянең 64 төбәгеннән 12 номинация буенча 246 гариза алынган һәм эшкәртелгән, Россия төбәкләренең 85 инвестиция порталына һәм 85 инвестиция картасына җентекле бәя бирелгән.
2016 елның 23 мартында ТР ИҮА «Инвестицияләр һәм үсеш агентлыкларының Милли ассоциациясе» коммерцияле булмаган оешма әгъзасы булды. Хәзерге вакытта аның 83 әгъзасы бар.
2024 елның 5 июнендә ПМЭФта Талия Миңнуллина ИҮАМА идарәсе рәисе урынбасары вазифасына билгеләнде.