Хезмәттәшлекнең яңа этабы: Татарстан һәм Саратов өлкәсе
Бүген Татарстан Республикасының инвестицион үсеш агентлыгы һәм Саратов өлкәсенең Үсеш Корпорациясе хезмәттәшлек турында килешү имзаладылар. Талия Миңнуллина һәм Александр Храпугин ПМЭФның йомгаклау көнендә Татарстан Республикасы стендындагы документка имза куйдылар.
Килешү ике регионның инвестиция өлкәсен үстерүгә юнәлдерелгән, аның бурычларының берсе - тәҗрибә уртаклашу. Татарстан агентлыгы, Саратов өлкәсе инвестиция вәкилләре мәктәбендә республика муниципаль инвестиция вәкилләренең катнашуын оештырып, хезмәттәшләренә ярдәм күрсәтте инде, моның өчен инвестицияләр һәм үсеш агентлыкларының Милли ассоциациясе җыелышында Саратов өлкәсе Үсеш Корпорациясе Яшел Үзән муниципаль районы вәкиле Анастасия Бауэрга рәхмәт белдерде.
Саратов өлкәсе Үсеш Корпорациясе вәкилләре диалогка ачык булулары һәм муниципаль идарәнең алдынгы тәҗрибәләре белән уртаклашырга әзер булулары өчен рәхмәт белдерделәр. Үз чиратында, Яшел Үзән ягы шулай ук Саратов партнерларына рәхмәт белдерде.
Килешүгә кул кую регионара хезмәттәшлекнең уңышлы үсүен һәм безнең регионнар арасында икътисадый элемтәләрнең ныгуын билгели. Татарстан, үз чиратында, илдә инвестицион климат торышында топ-10да лидер булган хезмәттәшләренең тәҗрибәсен өйрәнәчәк.