Бергә «җирдә» эшлибез!
Районнар белән инвестицион эше - «Муниципаль сәгатьләр» генә түгел, урыннарга чыгу да ул. Бүген Татарстан Республикасының инвестицион үсеш агентлыгы башлыгы Талия Миңнуллина җитәкчелегендәге дәүләт хезмәткәрләре һәм эшлекле берләшмәләрнең зур делегациясе Биектау районында эшләде.
Көннең беренче яртысында делегация район башлыгы Равил Хисаметдинов белән уңышлы гамәлгә ашырыла торган («Энергоспецинжиниринг» ҖЧҖ, «Чернышевка» сәнәгать паркы) һәм чагыштырмача яңа («Венеция Стоун» ҖЧҖ) инвестиция проектларын, шулай ук аларны гамәлгә ашыру өчен потенциаль милекне (кунакханә, элеккеге хастаханә) карады.
Эшлекле берләшмәләр ( «Опора России», «Деловая Россия», «Татарстан Республикасы Сәүдә-сәнәгать палатасы», «Кече һәм урта бизнес предприятиеләре ассоциациясе») үз оешмаларының җитәкче составын һәм профильле вәкилләрен җибәреп, Биектау районының инвестпроектларын үстерү буенча иң яхшы тәҗрибәләр һәм күзаллаулар белән мөмкин кадәр күбрәк уртаклашу мөмкинлегеннән файдаландылар. Хәзер муниципаль берәмлекнең локаль эшмәкәрләре үз тәҗрибәләрен трансляцияли һәм партнерларын Россия бизнесының күпмеңлек базасы арасыннан эзли алачак.
Көннең икенче яртысында инвестицион җәлеп итүчәнлекне арттыру буенча ведомствоара киңәшмә һәм Биектау районының муниципаль Инвестицион советы узды. Татарстанның җиде потенциаль инвесторы Агентлык һәм район башлыкларына, шулай ук профильле дәүләт хезмәткәрләренә төрле проектлар тәкъдир иттеләр, алар беренче чиратта проектларны алып баруга җәлеп ителәчәк, бу мөһим! Аерым алганда: районның авыл җирлекләре башлыклары, ТР Рәисенең территорияләр белән эшләү идарәсе, ТР Икътисад министрлыгы, ТР авыл хуҗалыгы һәм азык-төлек министрлыгы, ТР Җир һәм мөлкәт мөнәсәбәтләре министрлыгы, «ТР пространствоны планлаштыру институты» ДБУ, «ТР Муниципаль берәмлекләре Советы» Ассоциациясе. Бөтен республика диярлек Татарстан бизнесын тыңларга һәм аңа инвестицион советка проектлар әзерләүдә ярдәм күрсәтергә җыелды!
Утырыш барышында шулай ук районда элек республика Рәисе рәислегендә инвестсовет узган инвестпроектларны гамәлгә ашыру турында хисап тыңладылар. Докладчы булып район башкарма комитеты җитәкчесенең икътисадый үсеш буенча урынбасары Морат Булгаков чыгыш ясады.
Эш сәфәрен тәмамлап, көнгә йомгаклау сүзендә район башлыгы Равил Хисаметдинов, ТР ИҮА җитәкчесе Талия Миңнуллина һәм Татарстан эшлекле берләшмәләре җитәкчеләре йомгак ясады.
Көн нәтиҗәләре турында тулырак мәгълүматны сез безнең рәсми ресурслардан белә аласыз. Яңартуларны күзәтегез!