Проектлар контроль астында
Бу атнада Татарстан Республикасының инвестицион үсеш агентлыгының инвестицион проектларны гамәлгә ашыруны структуралаштыру һәм мониторинглау һәм экспертиза бүлекләре хезмәткәрләре Чаллы шәһәрендә (алгарышлы үсеш территориясе) һәм Арча муниципаль районында инвестицион проектлар буенча объектларда булдылар.
1. «Яр Чаллы» АҮТ
Алгарышлы үсеш территорияләре буенча ведомствоара комиссия составында Агентлык хезмәткәрләре Сергей Хрущев, Ләйсән Галимова һәм Арсений Юнысов планлы мониторинг кысаларында 7 резидент предприятиедә булдылар. Визит барышында инвестицион проектларны гамәлгә ашыруның төп күрсәткечләренең үтәлеше анализланды. Предприятие җитәкчеләренә килеп туган кыенлыкларны хәл итү буенча тәкъдимнәр бирелде. Бизнес вәкилләре дәүләт ярдәменең актуаль чаралары буенча консультацияләр алды.
2. Арча муниципаль районы
Инвестицион проектларны структуралаштыру һәм мониторинглау бүлеге башлыгы Сергей Хрущев Арча муниципаль инвестиция советы утырышында катнашты. Анда яңа сөтчелек комплекслары төзү проектлары каралды. Шулай ук «Арча» сәнәгать паркын 18 гектарга киңәйтү турында да фикер алыштылар, бу яңа предприятиеләр җәлеп итәргә, эш урыннары булдырырга һәм җитештерү инфраструктурасының нәтиҗәлелеген арттырырга мөмкинлек бирәчәк. Финанслау һәм партнер банклар белән хезмәттәшлек мәсьәләләренә аерым игътибар бирелде.
Файдалы сылтама: https://vkvideo.ru/video-211407548_456239536.