Төркиядән бизнес-миссия
Кичә Татарстанның инвестицион үсеш агентлыгы җитәкчесе Талия Миңнуллина Төркия, Искешәһәр эре эшмәкәрләре делегациясе белән очрашты. Оештыру сөйләшүләре Төркия Республикасының Казандагы Генераль консулы Угур Йылмаз әфәнде катнашында узды.
Төркия компанияләре вәкилләре Татарстанга визитлары барышында Казанда тәм-томнар, печенье/шоколад һәм кондитер әйберләре җитештерү буенча фабрика, шулай ук гурманнар өчен традицион төрек ризыклары тәкъдим итә торган челтәр яки франчайзинг рестораны ачу мөмкинлекләрен өйрәнергә планлаштыралар. Моннан тыш, алар медицина җиһазларын һәм аппаратураларын (радиологик җиһазлар һәм визуализация өчен аппаратлар — КТ һәм МРТ, пациентларны карау өчен җиһазлар, җәрәхәтләр вакытында сөякләрне һәм тешләрне дәвалау һәм торгызу өчен алдынгы медицина материаллары һәм сөяк продуктлары), сөлге киптергечләр һәм радиаторлар кебек җылыту системаларын һәм җиһазларын сату мөмкинлекләрен тикшерергә, шулай ук өйрәнергә ниятлиләр.
Талия Миңнуллина компанияләр вәкилләренә Татарстан муниципаль берәмлекләрендә әлеге инициативаларга ихтыяҗ, республикада ярдәм чаралары һәм потенциаль базарлар мәсьәләләре буенча консультацияләр бирде.