Агентлык Шэнчженда эшли башлады
Татарстан Республикасының инвестицион үсеш агентлыгы башлыгы Талия Миңнуллина җитәкчелегендәге делегация 14-16 ноябрьдә Кытай югары технологияләр күргәзмәсе-2025тә катнашу өчен республика Рәисе Рөстәм Миңнеханов җитәкчелегендәге Татарстан Республикасы делегациясенең Шэнчжень шәһәрендә эшен башлады. Агентлык хезмәткәрләре «Vivo» дизайн-юнәлешле смарт-терминалларда һәм интеллектуаль сервисларда махсуслашкан технологик компания заводында булдылар. Компаниянең төп эш юнәлешләре: 5G элемтәсе, ясалма интеллект, сәнәгать дизайны, сурәт эшкәртү технологияләре. Заводта 20 мең эш урыны бар, шуларның 75% — фәнни эшләүчеләр. Компания елына 100 млн смартфон чыгара. Һәр 11 секунд саен заводта яңа телефон чыга. "Vivо" - башка брендлар белән чагыштырганда сату күләме буенча Кытайда беренче.