Ритейл һәм гомуми туклану өчен суыткыч җиһазлар чыгару буенча «Совитал» яңа заводын ачу
Татарстан Республикасының инвестицион үсеш агентлыгы җитәкчесе Талия Миңнуллина Түбән Кама районында инвестицион проектны ачуда катнашты. Татарстан Рәисе Рөстәм Миңнеханов, Россия Сәнәгать һәм сәүдә министры урынбасары Михаил Юрин һәм Россия Сәнәгать һәм сәүдә министры урынбасары Альберт Кәримов кебек югары дәрәҗәле затлар проектка старт бирде.
Предприятиедә металл кисүдән алып әзер продукция чыгаруга кадәр тулы цикллы серияле җитештерү җайга салынган. ФРП чараларын кулланып, рулонлы корыч кисү буенча автоматлаштырылган линияләр, корпусларны пенополиуретан белән тутыру буенча югары җитештерүчән комплекс, суыткыч шкафларны җыю буенча автоматлаштырылган конвейер һәм башка җиһазлар урнаштырылган. Җитештерүне локальләштерү дәрәҗәсе 65% тан артып китә.
Татарстан Республикасы Рәисе Рөстәм Миңнеханов билгеләп үткәнчә, әлеге проект Россия базарын суыткыч җиһазлары белән тәэмин итүгә, шулай ук чит ил тәэмин итүчеләренә бәйлелекне киметүгә юнәлдерелгән.
"Завод кыска вакыт эчендә төзелде һәм илебезнең технологик лидерлыгына һәм сәнәгать тотрыклылыгына зур өлеш кертте. Инвестицияләр 1 млрд сумга якын тәшкил иткән. Заводның куәте елына 50 мең эшләнмә, 100 меңгә җиткерү планлаштырыла. 119 эш урыны булдырылган – 200гә җиткерү планлаштырыла", - диде ул.
Завод «Түбән Кама» сәнәгать паркының тагын бер резиденты булды.
«Бүген мәйданчыкта 16 компания эшли, 425 эш урыны булдырылган. Киләчәк үсеш өчен яхшы потенциал бар», - дип өстәде Татарстан Рәисе.
Чыганак: https://rais.tatarstan.ru/index.htm/news/2494462.htm