"Чисто Фри" инвестицион проекты "хәләл" стандартына туры килү турында сертификат алды
Бүген Татарстанның инвестицион үсеш агентлыгы җитәкчесе Талия Миңнуллина катнашкан татар авыллары эшкуарларының XIV Бөтенроссия съездының пленар утырышында Росаккредитация җитәкчесе Дмитрий Вольвач Аббяс Шляпошниковка ТР мөселманнары Диния нәзарәте комитетының «Хәләл» стандарты буенча аккредитацияләнүе турында таныклык тапшырды. Ул үз чиратында Яшел Үзән сөт эшкәртү комбинатына, «Чисто Фри» һәм «Итле-Китчен» компанияләренә «хәләл» стандартына туры килү турында беренче сертификатлар тапшырды.
Татарстанда беренче фри бәрәңге җитештерү заводы (бәрәңгене эшкәртү һәм консервлау заводы - "Чисто Фри" ҖЧҖ инвестиция проекты) Чистайда 2025 елда эшли башлады (https://rais.tatarstan.ru/index.htm/news/2443025.htm). Россия авыл хуҗалыгы министры Оксана Лут һәм Татарстан Республикасы Рәисе Рөстәм Миңнеханов аңа тантаналы старт бирделәр. Инвестицияләрнең гомуми суммасы 1,9 млрд сум тәшкил иткән. Проектны Агентлык озата барды (завод күрсәткечләрен карарга мөмкин) - https://tida.tatarstan.ru/chistopolskiy-munitsipalniy-rayon-8522569.htm. Чистай районы белән «Муниципаль инвестицион сәгать» трансляциясендә).
Татарстан Рәисе Рөстәм Миңнеханов: «Партнерлар белән хезмәттәшлектә без ислам банкингы инструментларын һәм хәләл яшәү рәвеше индустриясен үстерәбез. Хәләл - экспорт өчен яңа мөмкинлекләр булдыручы мөһим юнәлеш. Шулай ук хәләл темасы традицион рәвештә KazanForum эшлекле программасында төп темаларның берсе».
Белешмә өчен:
Бөтендөнья татар конгрессы 29-31 март көннәрендә XIV Бөтенроссия татар авыллары эшкуарлары җыенын үткәрә. Чарага татарлар тупланып яши торган 37 субъекттан 900 гә якын делегат җыелды. Катнашучылар арасында - кече бизнес вәкилләре, фермерлар, шәхси хуҗалыклар вәкилләре. Быел форумда катнашучылар Тукай һәм Сарман районнары предприятиеләрендә булдылар, авыл территорияләренә ярдәм чаралары белән таныштылар.
Бөтендөнья татар конгрессы татар авылларын саклау һәм үстерү буенча шактый оештыру эшләре алып бара. 2008 елда оештырылган "Россиянең татар авыллары" Бөтенроссия иҗтимагый оешмасы Россия Юстиция министрлыгында теркәлү узды. Аның эшенә Россиянең төрле төбәкләреннән авыл бизнесының перспектив юнәлешләрен тәкъдим итүче уңышлы авыл эшкуарлары җәлеп ителгән. Соңгы елларда Бөтендөнья татар конгрессы кысаларында Россиянең 4200 гә якын татар авылы мәгълүмат базасы булдырылды. 2012 елда Рөстәм Миңнеханов инициативасы белән Бөтенроссия татар авыллары эшкуарлары җыены оештырылды. Форум гадәттәгечә бизнесның социаль җаваплылыгына һәм татар халкының бердәмлеген ныгытуга зур игътибар бирә.
InvestTatarstan | TIDA
МАХ МАХ (https://max.ru/id1655154853_gos), ВК (https://vk.ru/investtatarstan).