ВЭБ. РФ федераль дәрәҗәдәге инвестиция проектларын озата барачак
«Россия Федерациясендә капитал салулар рәвешендә гамәлгә ашырыла торган инвестиция эшчәнлеге турында» Федераль законга үзгәрешләр кертелде.
ВЭБ.РФ федераль дәрәҗәдә инвестиция проектларына ярдәм итү һәм аларны озата бару буенча махсуслаштырылган оешма статусына ия.
Аның функцияләре исәбендә:
• инвесторларга мәгълүмати-консультацион ярдәм күрсәтү, шул исәптән мөмкин булган ярдәм чаралары турында мәгълүмат бирүне дә кертеп;
• инвесторларның федераль, төбәк һәм муниципаль хакимият органнары белән үзара хезмәттәшлегендә катнашуы;
• төбәкләргә инвестиция тәкъдимнәрен әзерләүдә һәм Россия һәм чит ил инвесторларын җәлеп итүдә ярдәм итү;
• инвестицияләр җәлеп итү һәм инвесторлар белән эшләү буенча төбәк оешмалары белән үзара хезмәттәшлек.
ВЭБ.РФ озата бара алачак проектлар критерийлары Россия Хөкүмәте тарафыннан раслана торган корпорациянең финанс сәясәте турындагы Меморандум белән билгеләнәчәк.
Яңа механизм федераль һәм төбәк дәрәҗәләре арасында координацияне көчәйтергә һәм инвестиция проектларын озатып баруда бердәм алым булдырырга тиеш.
ВЭБ.РФнең төбәк махсуслаштырылган оешмалары белән үзара хезмәттәшлеге турындагы нигезләмә 2027 елның 1 мартыннан үз көченә керәчәк.