Мамадышта керамик кирпечне җитештерү башлап җибәрелде
Бүген Мамадышта керамик кирпечне җитештерү буенча яңа завод ачылды. Проект заманча җиһазлар һәм Испания компанияләрнең технологияләрен куллану белән тормышка ашырылган.
Татарстан Республикасының Президенты Рөстәм Миңнеханов, Татарстан Республикасының Премьер-министры Ильдар Халиков катнашуы белән тантаналы церемония ЯАҖ “Стройсервис” җитештерү мәйданнарында үтте.
Церемониядә, шулай ук, Татарстан Республикасының инвестицион үсеш агентлыгы җитәкчесе Линар Якупов, Төзелеш, архитектура һәм торак-коммуналь хуҗалык министры Ирек Файзуллин, ААҖ “Татарстан Республикасының экспорт корпорациясе” Генераль директоры Айрат Назмеев, ЯАҖ “Стройсервис” Генераль директоры Ильфат Хазиев, чит ил компанияләрнең вәкилләре катнаштылар.
Җитештерү “пуск” кнопкасына басу белән башлап җибәрелде. Катнашучылар өчен җитешерү мәйданнары буенча экскурсияне үткәрделәр, аның барышында ЯАҖ “Стройсервис” Генераль директоры Ильфат Хазиев җиһазларның эшләү һәм җитештерүдә кулланылган чимал һәм энергия саклаучы технологияләр турында сөйләде.
Татарстан Республикасының Инвестицион үсеш агентлыгының матбугат хезмәте
Фото: Татарстан Республикасы Президентының матбугат хезмәте