Рөстәм Миңнеханов Hawtai Motor Group (Кытай) компаниясенең Директорлар киңәшмәсе рәисе Чжанг Сю Ген белән очрашты
Очрашу Татарстан Республикасының Хөкүмәт Йортында үтте, анда Татарстан Республикасы Президентының ярдәмчесе Радик Гиматдинов, Татарстан Республикасы Премьер-министрының урынбасары, Татарстан Республикасының сәнәгать һәм сәүдә министры Равиль Зарипов, Татарстан Республикасының инвестицион үсеш агентлыгы җитәкчесе Линар Якупов катнашты.
Кунакларны сәламләгәндә, Рөстәм Миңнеханов Татарстанның, Россия регионнары арасында иң үсеш алган регионнарның берсе буларак, бүген Кытай бизнесы белән мөһим контактлар җайланган, күп Кытай компанияләрнең вәкилләре Татарстанда эш алып баралар дип билгеләде. Регион башлыгы ассызыклаганча, Татарстан компанияләре ягыннан, шулай ук, Кытайга күп визитлар тормышка ашырылды.
«Сезнең компания бик танылган һәм без сезнең белән хезмәттәшлекне яхшырту өчен актив эшлибез», - дип Рөстәм Миңнеханов әйтте.
Очрашу барышында яклар җитештерүне оештыру мөмкинлекләре, үзара табышлы хезмәттәшлекне ныгыту турында уртаклаштылар.
Чыганак: Татарстан Республикасы Президентының матбугат хезмәте