Рөстәм Миңнеханов «Хальдор Топсе» Дания компаниясе җитәкчелеге белән очрашты
Очрашу регион башлыгының Даниягә визиты кысаларында үтте. Очрашуда нефть һәм химия өлкәсендә алдагы хезмәттәшлек, нефть эшкәртү оешмаларында яңа технологияләрне кертү сораулары буенча уртаклаштылар.
«Хальдор Топсе» ААҖ «Нижнекамскнефтехим»да формальдегид җитештерүен урнаштыру яңарту проектын уйлап табуда катнашты, ААҖ «ТАНЕКО» белән хезмәттәшлек итте, ААҖ «Аммоний» минераль ашламалар җитештерү буенча Татарстан Республикасында завод төзү проектының лицензиарларның берсе булып тора.
Уртаклашу барышында яклар Татарстан университетларының нефть һәм химия өлкәсе студентларын «Хальдор Топсе» компаниясенең уку үзәкләрендә укыту мөмкинлеге турында сөйләштеләр. Рөстәм Миңнеханов белгечләр һәм студентларны укыту өлкәсендә хезмәттәшлек турында килешүгә кул куерга тәкъдим итте. Аның сүзләре буенча, «Хальдор Топсе»ның Казан милли тикшеренү технологик университеты белән аралашуны урнаштырырга мөмкин.
Белешмә
«Хальдор Топсе» Дания компаниясенә 1940 елда доктор Хальдор Топсе нигез салды. Компаниянең эшчәнлеге авыр химия һәм нефть сәнәгате, нефть һәм газ эшкәртү, шулай ук, энергияне үзгәртү процесслары һәм тирәлекне саклау өлкәсендә тупланган. Компания фәнни тикшеренүләр һәм гетероген катализ өлкәсендә уйлап табулар, катализаторларны уйлап табу һәм сату, каталитик процесслар нигезендә җайланмаларны инжиниринглау белән шөгелләнә. «Хальдор Топсе» – аммиак һәм күкерт кислотасын җитештерү технологияләре өлкәсендә дөнья лидеры.
Чыганак: Татарстан Республикасы Президентының матбугат хезмәте